2021 жылдың 28 қаңтарында “Bolashaq” академиясының мәжіліс залында Қазақ тілі және әдебиеті кафедрасының түлектерімен және профессор-оқытушылар құрамымен кездесу өтті.
Кездесуді Академия ректоры, профессор Қ.Н. Меңлібаев басқарды.
Біздің түлектеріміз өзінің кәсіби қызметін түрлі салаларда, соның ішінде білім беруде жүзеге асырады. Кездесуге жалпы білім беру мекемелерінің директорлары да қатысты, мектеп оқушыларымен өткізілетін бірлескен кәсіби бағдарлы жұмыс талқыланды.
Қарағанды индустриялық университеті жанындағы Техника-экономикалық колледжінің директоры, аға оқытушы, педагогика ғылымдарының магистрі С.Б.Хамитов:
Мен 2012-2014 жылдары «Bolashaq» Академиясының магистратура бөлімінде оқып «Қазақ тілі мен әдебиеті» білім беру бағдарламаcы бойынша педагогика ғылымдарының магистрі академиялық дәрежесін алған болатынмын.
2021 жылдың 28 қаңтарында «Bolashaq» Академиясының ректоры, философия ғылымдарының кандидаты, профессор Құралбай Несіпбекұлы Меңлібаев түлектерімен кездесу өткізді. Кездесу барысында көптеген мәселелер көтерілді, соның ішінде «Bolashaq» Академиясының «Қазақ тілі мен әдебиеті» білім беру бағдарламасына мектеп бітірушілер үшін кәсіби бағдар жұмысын жолға қою, пән бойынша олимпиада жеңімпаздарына оқу орны басшысының гранты санын көбейту және оқу орнының Ғылыми кеңесінде келім-шарт негізінде оқуға қабылданатын түлектерге жеңілдіктер жасалуын кеңейте қарастыру мәселелерінің шешімін табуға ұсыныс берілді. Мектеп ұстаздарын Академия магистратурасына түсуге, магистрлерді шетелдік ЖОО-нда білімдерін жалғастыруға мүмкіндік жасалғаны туралы мәлімдеді.
Қазіргі Қарағанды индустриялық университеті жанындағы Техника – экономикалық колледжінің басшысы ретінде «Bolashaq» Академиясында білім алып жүрген студенттерге педагогикалық тәжірибеден өтуге және түлектерін жұмысқа қабылдауға ықпал етемін. ЖОО мекеме басшыларының, ұжымының ауыз бірлігінің арқасында академияда оң психологиялық аура қалыптасқандықтан, оқу орнының беретін білім сапасы жоғары, оған дәлел – «Bolashaq» Академиясының түлектері еліміздің көптеген оқу орындарында басшылық қызмет атқаруда.
Колледж бен ЖОО арасындағы байланыс үзілмейтініне сенімдімін.
Өз атымнан «Bolashaq» Академиясының әкімшілігіне осы кездесуді ұйымдастырғаны үшін алғысымды білдіремін.
Қарағанды индустриялық университеті жанындағы Техника-экономикалық колледжінің директоры, аға оқытушы, педагогика ғылымдарының магистрі С.Б.Хамитов
