2023 жылғы 15 наурызда “Bolashaq” Академиясының профессор-оқытушылар құрамы Абайды рухани қабылдаушы шәкірті, философ-ойшыл, ғалым-тарихшы, ақын Шәкәрім Құдайбердиевтің өлмес мұрасымен байланыста болды.
Шәкәрімнің 165 жылдығына арналған “Бұл ән бұрынғы әннен өзгерек” Республикалық рухани-шығармашылық кешін “Қарағанды медицина университеті” КЕАҚ Тілдерді дамыту орталығы өткізді.
Кешке қатысушылар Н.В. Гоголь атындағыоблыстық әмбебап ғылыми кітапхананың және М.О. Әуезов атындағы Орталық қалалық кітапхананың қызметкерлері ұйымдастырған кітап-иллюстрациялық көрмесінде ұсынылған ұлы ойшылдардың жарық көрген басылымдарымен танысты.
Белгілі абайтанушы, шәкәрімтанушы, журналистиканың еңбек сіңірген қайраткері А. К. Омаровтың сөз сөйлеуі қатысушылардың ықыласты назарын аударды.
Шығармашылық кеште Қарағанды қаласының Шәкәрім атындағы гимназиясының өкілдері сөз сөйледі (2021 жылы № 93 гимназияға өз халқына жол көрсеткен ұлы адамның есімі берілді).
Кеш қонақтарын “Жігер” домбырашылар халық ансамблі, “Қаракөз” шығыс би ансамблі, “Жыр – жауһар” поэзиялық клубының өнер ұжымдары таң қалдырды. Абай мен Шәкәрімнің орыс және қазақ тілдеріндегі өлеңдері, сондай-ақ “Көзімнің қарасы” әні Үндістаннан келген студенттердің орындауында шырқалды.
Шәкәрімнің “Еңлік – Кебек” поэмасынан ғашықтардың қайғылы тағдыры туралы тарихи сюжеттің үзіндісін 1 курс студенттерінің сахналау көрінісі барлық қатысушылардың ризашылығын тудырды.
Кеште Қазақстан халқы Ассамблеясы төрағасының Қарағанды облысы бойынша орынбасары В. Б. Молотов-Лучанскийдің құттықтау сөзі айтылды.
“Қарағанды медицина университеті” КЕАҚ тілдерді дамыту орталығына Академия ұжымына Алғыс хат бергені және үлгілерінде жетілген рухани-адамгершілік тұлғаны тәрбиелеуге мүмкіндік беретін көрнекті ойшылдың шығармашылық мұрасымен етене жақындасқанымыз үшін алғыс айтамыз.
