Академиямыздың білім беру өрісі кеңейе түсуде. Жуырда Қашықтан білім беру технологиялары орталығының басшысы Сағыныш Исмагулов Түркия Республикасының Кония қаласында орналасқан Селджук (Селчук) университетімен байланыс орнатып, білім беру саласында әріптестік бойынша келісімшарт жасауға атсалысты. Екіжақ тараптары – ректорлары қол қойған бұл келісімшартта оқу бағыттарының түгелі дерлік қамтылған. Нақтырақ айтсақ, онда оқу, академиялық ұтқырлық бағдарламалары, белгіленген тәртіпте бакалавриат, магистратура мамандықтары бойынша жекеленген пәндер мен модульдерді меңгеруге мүмкіндік берілген. Келісімшарт арқылы ынтымақтастық пен әріптестікті жүзеге асыру барысында Түркия мен Қазақстан Республикасының заңнамасы басшылыққа алынады және тең дәрежеде, ашық түрде және адалдық қағидаттарын сақтау негізінде өзара жүзеге асады.
