Ағымдағы аптада “Bolashaq” академиясының ректоры, профессор Қ. Н. Меңлібаев жоғары оқу орнының профессор-оқытушылар құрамының өкілдерімен кездесті.
![](http://kubolashak.kz/wp-content/uploads/2020/04/WhatsApp-Image-2020-04-22-at-14.29.37-1-600x450.jpeg)
23 сәуір күні Шет тілдер және мәдениетаралық коммуникация кафедрасының қызметкерлерімен on-line кездесу өтті.
Кездесу басында ректор жоғары білім беру жүйесі мен “Bolashaq” академиясындағы соңғы оқиғаларға қысқаша шолу жасады.
![](http://kubolashak.kz/wp-content/uploads/2020/04/image3-1110x624.jpeg)
Кездесудің басты тақырыбы студенттердің аралық және қорытынды аттестациясын өткізу формаларын талқылау болды. Құралбай Несіпбекұлы шет тілінде сөйлеу іс-әрекетінің дағдыларын объективті және толыққанды бағалауды талап ететін кафедраның білім беру бағдарламасының ерекшелігін атап өтіп, кафедра ұжымының студенттердің білімін ауызша түрде онлайн форматта бақылауды жүзеге асыруға деген ұмтылысына қолдау білдірді.
![](http://kubolashak.kz/wp-content/uploads/2020/04/image1-528x297.jpeg)
Студенттердің оқу ақысын төлеу, жаңа оқу жылына дайындық, кәсіптік бағдар беру жұмысы және талапкерлерді қабылдауға байланысты өзекті мәселелер талқыланды.
![](http://kubolashak.kz/wp-content/uploads/2020/04/image2-528x297.jpeg)
Кездесу барысында оқытушылар өздерінің пікірлерімен бөлісіп, карантин жағдайындағы ЖОО-ның қызметі туралы өздерін толғандырған сұрақтарын қойды.
Кездесу соңында ректор кафедраның жұмысына оң баға беріп, ұжымға жоғары кәсіби және адал еңбегі үшін алғысын білдіріп, барлығына денсаулық, шығармашылық табыс тіледі.
![](http://kubolashak.kz/wp-content/uploads/2020/04/WhatsApp-Image-2020-04-23-at-14.35.50-600x450.jpeg)