2022 жылғы 23 қарашада Ж. Бектұров атындағы Қарағанды облыстық жасөспірімдер кітапханасында “Тарих. Тұлға.Тағдыр ” жобасы аясында қазақ жазушысы, қоғам қайраткері, ғалым Мұхтар Әуезовтің туғанына 125 жыл толуына орай “М.Әуезов – әлемдік тұлға ” атты оқырман конференциясы өтті. Іс-шара барысында Google meet платформасында телекөпір ұйымдастырылды.
![](https://bolashaq.edu.kz/wp-content/uploads/2022/11/WhatsApp-Image-2022-11-23-at-16.20.52-1-1000x750.jpeg)
![](https://bolashaq.edu.kz/wp-content/uploads/2022/11/WhatsApp-Image-2022-11-23-at-16.20.57-1000x750.jpeg)
Іс-шараның мақсаты: жастар арасында Мұхтар Әуезовтің шығармашылық мұрасын насихаттау; жазушының әлемдік мәдениетке қосқан үлесі туралы білімді жүйелеу; патриотизм сезіміне тәрбиелеу; оқуға тарту, шығармашылық қабілеттерін дамыту.
Конференцияға белгілі мұхтартанушы ғалымдар, филологтар, оқытушылар, Қарағанды қаласының Ардагерлер кеңесінің мүшелері, студенттер мен оқушылар қатысты.
![](https://bolashaq.edu.kz/wp-content/uploads/2022/11/WhatsApp-Image-2022-11-23-at-16.26.19-1000x750.jpeg)
Оқырмандар конференциясын ф.ғ.д., профессор, ҚР Мәдениет қайраткері, ҚР Білім беру ісінің үздігі, Қазақстан Журналистер одағының мүшесі Хамзин Мауен Хамзиевич ашты.
![](https://bolashaq.edu.kz/wp-content/uploads/2022/11/WhatsApp-Image-2022-11-23-at-16.50.29-1000x750.jpeg)
Беларусь Республикасы, Минск қаласы, Алматы, Павлодар қалаларынан: жетекші ғылыми қызметкер, “Әуезов үйі” ғылыми-мәдени орталығы қорының бас сақтаушысы – Мұқатаева Салтанат Амантайқызы; М. О. Әуезов атындағы Әдебиет және өнер институтының жас ғалымдар кеңесінің төрағасы – Мағазбеков Нұр Жандосұлы; “Әуезов үйі” ғылыми-мәдени орталығының ғылыми қызметкері – Әмірбаева Шолпан Мейрамғазықызы; ақын, Қарағанды қаласы Ардагерлер кеңесінің мүшесі – Байбосин Қабиден Байбосынұлы, ақын, Қарағанды қаласы Ардагерлер кеңесінің мүшесі, Қазақстан Журналистер одағының мүшесі Жазықбаев Ерғазы Сәдуақасұлы, сондай-ақ Павлодар қаласы ” М.Әуезов атындағы жалпы білім беретін мектептің” және Минск қ. “Мұхтар Әуезов атындағы № 143 орта мектебінің” мұғалімдері мен оқушылары қатысты.
Оқу конференциясы барысында “Bolashaq” Қарағанды жоғары колледжінің, қазіргі заманғы көпсалалы колледждің, Қарағанды сервис және тамақтану колледжінің, №17 ЖББОМ мен А. Ермеков атындағы мектеп – лицейдің студенттері мен оқушылары арасында М. Әуезовтің өмірі мен шығармашылық жолы талқыланды.
Іс-шараның модераторы Ж.Тәшенов атындағы ЖББМ-ның қазақ тілі мен әдебиеті мұғалімі Базарбаева Махаббат Әшімханқызы болды.
![](https://bolashaq.edu.kz/wp-content/uploads/2022/11/WhatsApp-Image-2022-11-23-at-17.42.30-1-750x1000.jpeg)