2026 жылғы 20 қазанда ПИббС орталығының жетекшісі, доцент Абдрахманова Алуа Сабитқызы Қарағанды облысының мектепке дейінгі білім беру ұйымдарының педагог-психологтеріне арналған «Жас маман мектебі» атты оқыту семинар-тренингін өткізуге қатысты.
Аталған семинар-тренинг Bolashaq академиясы мен Қарағанды облысы білім басқармасының Психологиялық қолдау орталығы арасындағы ынтымақтастық аясында ұйымдастырылды.
Іс-шараның мақсаты – жас педагог-психологтердің психологиялық-педагогикалық жұмысты өз бетінше ұйымдастыруға және мектепке дейінгі ұйым тәрбиеленушілеріне психологиялық-педагогикалық қолдау көрсетуге кәсіби даярлығын қалыптастыру.
Семинар бағдарламасы мектепке дейінгі ұйымдардағы педагог-психологтің қызмет бағыттарын қамтитын мазмұнды материалдардан тұрды. Алуа Сабитқызы мектепке дейінгі жастағы балаларды психологиялық диагностикалау саласындағы өз әзірлемелерін дайындап, қатысушыларға таныстырды. Сонымен қатар, балалардың жас ерекшеліктеріне сәйкес диагностикалау тәсілдері мен диагностикалық материалдарды іріктеу ерекшеліктерін түсіндірді.
Семинарға қатысушылар ұсынылған ақпаратты белсенді қабылдап, өздерінің диагностикалық жұмысын жоспарлау моделін құруға бағытталған практикалық жаттығуларды орындады.
Сондай-ақ, Алуа Сабитқызы Bolashaq академиясының және Психологиялық және инклюзивті білім беруді сүйемелдеу орталығының қызметі туралы ақпаратпен бөлісті.
