«Тұлпар мініп, ту алған» әскерилер арасындағы облыстық байқауының жеңімпазына «Bolashaq» Академиясы атынан 2027–2028 оқу жылына арналған білім гранты табысталды.
Білім грантын салтанатты жағдайда Академия ректоры жеке өзі табыстап, жеңімпазды лайықты жетістігімен құттықтады. Сонымен қатар алдағы оқу жолында сәттілік, жаңа мүмкіндіктер мен толағай табыстар тілеп, білімнің адам өміріндегі маңыздылығын және сапалы білімнің болашаққа жол ашатын негізгі құндылықтардың бірі екенін атап өтті.
Аталған бастама – жастардың білімге деген ұмтылысын қолдауға, олардың кәсіби және тұлғалық дамуына мүмкіндік жасауға бағытталған игі қадам. Білім грантын табыстау арқылы «Bolashaq» Академиясы дарынды әрі мақсатшыл жастарға қолдау көрсетіп, олардың сапалы білім алуына және болашақта білікті маман ретінде қалыптасуына үлес қосады.
Жастардың әлеуетін дамыту, білім алуға ынталандыру және қоғамға пайдалы азаматтардың қалыптасуына жағдай жасау – Академия қызметінің маңызды бағыттарының бірі. Осындай бастамалар өскелең ұрпақтың мүмкіндіктерін кеңейтіп, олардың алға қойған мақсаттарына жетуіне серпін береді.
«Bolashaq» Академиясы байқау жеңімпазын шын жүректен құттықтап, алдағы оқуына табыс, жарқын болашақ және жаңа жетістіктер тілейді! Бұл білім гранты жаңа белестерге бастайтын маңызды мүмкіндік болып, үлкен мақсаттарға жету жолында берік негіз болсын!
