А.У.Аупенова, А.Н. Қалижанова, Е.Р. Келлер-Дедицкая және Т.В. Марышкина авторлық ұжымы тарапынан дайындалған “Қазақстан Республикасының үздіксіз білім беру жүйесінде белсенді азаматтық ұстанымды қалыптастырудың инновациялық технологиялары: COVID-19 дәуірінің сын-қатерлері” ұжымдық монографиясы жарыққа шықты.
Бұл еңбек авторлар ұжымының бірлескен жұмысының нәтижесі болып табылады, олар өз жұмысының тәжірибесін ғана емес, сонымен қатар пандемия жағдайында және постковидтық кезеңде оқу және оқудан тыс іс-әрекетте оларды қолданудың нақты мысалдарымен үздіксіз білім беру жүйесіндегі “Рухани жаңғыру” бағдарламасы аясында белсенді азаматтық позицияны қалыптастырудың инновациялық, практикалық-бағдарланған тәсілдерін ұсынды. Жас ұрпақты тілдік сабақтарда және сыныптан тыс жұмыстарда оқыту мен тәрбиелеудегі қазіргі заманғы үрдістерге талдау жүргізілді.
Монография ғылыми-техникалық кеңестің отырысында қаралып, талқыланды, Академияның Ғылыми кеңесімен бекітілді және бұл монография жоғары оқу орындарының оқытушыларына, докторанттарға, магистранттарға, барлық білім беру бағдарламаларының студенттері мен мектеп, колледж педагогтеріне арналған.
Авторлар ұсынған патриотизм мен көпмәдениетті, өз тағдыры мен өз елінің тағдыры үшін жауапкершілікті түсінуді, заманауи әлемдік сын-тегеуріндерге қарсы тұра білуді үйлестіретін белсенді азаматтық ұстанымды қалыптастыруға инновациялық практикалық-бағдарланған тәсілдер қазіргі білім берудің белсенді-құзыретті факторлары болып табылады.
Монографияның бөлімдері он компоненттен тұрады. 9-тарау Қазақстан Республикасы Білім және ғылым министрлігінің қаржылық қолдауымен “XX ғасырдың 20-50-жылдарындағы Қазақстандағы жаппай саяси қуғын-сүргін және оңалту процестері: бірыңғай деректер базасын құру” жобасын іске асыру шеңберінде дайындалды.
Монографияда азаматтық ұстанымды қалыптастыру және қашықтықтан оқыту жағдайында жұмысты жалғастыруға мүмкіндік беретін үздіксіз білім беру сұраныстарына сәйкес келетін тиімді құралдарды жан-жақты қарау әрекеті сәтті жүзеге асырылды.
Монографиямен “Bolashaq” академиясының кітапхана қорында танысуға болады.
