2021 жылғы 29-30 маусымда “Bolashaq” академиясының профессор-оқытушылар құрамы мен қызметкерлері Балқаш қаласының маңындағы Тораңғалық кентінде орналасқан “Айналайын” демалыс аймағында болды.

Барлық санитарлық нормаларды сақтай отырып, вакцинацияланған Академия қызметкерлері жайлы бөлмелерде демалып, бос уақыттарын көлде өткізді.

“Bolashaq” академиясының қызметкерлері мен ПОҚ жоғары оқу орнының басшылығына өте жақсы ұйымдастырылған демалысы үшін алғыс білдіреді.

Қабжанов Ақылбек Тайболатович, заң пәндері кафедрасының меңгерушісі:

“Айналайын” демалыс аймағында көңілді өткізілген уақыт туралы жылы әсерлер

Биылғы жылы “Bolashaq” академиясында оқу жылын біздің сүйікті “Айналайын” демалыс аймағына сапар жасаумен аяқтау сияқты игі дәстүр табысты қайта жанданды .

Академия ұжымы он жылдан астам уақыттан бері Балқаш көліне “Айналайын”демалыс аймағына барып демалып жүр. Биыл да маусым айының соңында жайлы ауа-райын пайдалана отырып, Қарағанды – Балқаш тас жолын жөндеуге байланысты қиындықтарға қарамастан, дене және жан үшін пайдалы уақыт өткізді. Демалыс аймағына шыққан әрбір адам үшін бұл күндер керемет көңіл-күйге, дұрыс көзқарасқа, көптеген жаңа жарқын әсерлерге толы!

Демалыс аймағы барлығымызға өте ұнады. Қызметкерлері өте кішіпейіл. сыпайы. Барлық жерде саялы ағаштар, таза су, жағажай, душ, би мен демалуға арналған орындар әзір, демалыс аймағында сәкілер орнатылған. Демалыс аймағының әкімшілігі демалушылардың барлық мәселелерін қолынан келгенше тез шешуге тырысатыны байқалды.

“Кемені қалай атайсың, ол солай жүзеді” деген сөзде терең мағына жатыр. “Айналайын” ДО қазақтың ең керемет “Айналайын” сөзімен аталған – бұл адамға деген махаббаттың таза және риясыз көрінісі. Бұл біздің заманымызда бәріне жетіспейтін сөз. “Айналайын” деген ең нәзік әрі қастерлі сөз екені даусыз. “Айналайын” – бұл қамқорлық пен нәзіктік, жақсы көру, еркелету. “Айналайын” сөзінің өзі үлкен сезім гаммасына толы және адамды нәзік сезімге, жылулыққа бөлейді деп айтуға болады. Осы ғажайып сезімдер гаммасы “Айналайынға”келген әрбір адамды баурап алады!

Жайдарлы демалыс пен толқындай тасыған әсерлер үшін тағы да көп рахмет. Жанға жайлы, релаксация жасап сейілтетін осы аймаққа жыл сайын келіп демалыс күндерін өткізе алатынымызға қуаныштымыз!

Хайруллина Альфия Фаритовна, масс-медиа орталығы:

“Айналайын” демалыс аймағында өте жақсы ұйымдастырылған демалыс үшін “Bolashaq”академиясының басшылығына үлкен алғысымды білдіремін. Баламызбен бірге демалуға мүмкіндік бергеніңіз үшін ерекше рахмет. Оның шынайы қуанышы мен мәз-мәйрам болып масаттанғанын көрудің өзі не тұрады!

Осындай іс-шаралар ұжымның корпоративтік рухын нығайтуға ықпал етеді және біз өзіміздің суперкоманда екендігімізге тағы да көз жеткіздік!

Диянова Рахат Телубайқызы, Педагогика және психология кафедрасының аға оқытушысы:

“Айналайын” демалыс аймағына сапар ұйымдастырғаны үшін “Bolashaq”басшылығына үлкен алғысымызды білдіреміз. Біздің бұл демалыс аймағында демалуымыз бірінші жыл емес, жыл сайын жағымды эмоциялар мен әсерлер көбейіп келеді. Аумағы таза, жайлы. Қызметкерлері ақ көңіл, мейірімді, бөлмелерде қажеттінің бәрі бар. Тамақтану жоғары деңгейде деп айтуға әбден болады, тағамдары үйде дайындалғандай дәмді, бауырсақтары үлпілдеген, ыстық. Жағажай жаяу қашықтықта, құм өте жұмсақ. Осындай жерде өзіміздің “Bolashaq” ұжымының достық атмосферасындағы демалысымыз өте жақсы және жанға жайлы болды.

Темірханова Гүлден Уалихановна, ПиП кафедрасының аға оқытушысы:

Балқаштағы демалыс үшін біздің басшылығымызға алғыс айтқым келеді. Жағымды әсерлер үшін, дәмді бауырсақтар үшін де. Барлығы өзіміз күткендей өте жақсы, шын жүректен болды. Ұжымның осындай бастамасы болғаны жақсы, маған ұнады.

Самохин Андрей Юрьевич, ДиНО кафедрасының доценті:

Балқашта – теңізде демалу.

Маусым! Ыстық!! Демалыс!!! Әдетте, жұмыс қарбаласы мен күнделікті біркелкі тіршіліктен кейін асыға күтетін демалыс, көптен күткен демалыс! Бірақ бұл демалыстар бұрын да болатын. Осы жылы біз пандемия кезінде біздің компьютерлеріміздің экрандарында ғана көретін әріптестерімізбен жүздесу үшін осы демалысты асыға күттік. Адам өміріндегі басты нәрсе – жүзбе-жүз қарым-қатынас екенін ұмытпадық!

Демалыстың басталғаны туралы жаңалық бізге қанат бітіргендей болды – бізді Балқаш бірегей дала теңізінен жиырма шақырым жердегі Тораңғалық кентінде орналасқан Академияның демалыс аймағына қысқа сапарға шақырды. Өкінішке орай, академияның барлық қызметкерлері қысқа сапарға шыға алмады – біреулері екпеге үлгермеді, кейбірінің алдын-ала дайындаған басқа жоспарлары болды. Бірақ, соған қарамастан, таңертеңгі сағат алтыда бізді ЖОО-ның екі жабдықталған, жайлы автобусы күтіп тұрды, көп ұзамай оның іші қуанышты, түрлі-түсті киінген, демалуға келген адамдармен толы болды.

Сапардың басталуы жағымды оқиғаларды күтумен ғана емес, сонымен бірге қандай жағдай болмасын, кейбір алаңдаушылықпен де байланысты. Бірінші, оқиға қала сыртындағы трассалардан бір-екі шақырым өткен соң -ақ кез болды. Трассаға күрделі жөндеу жұмыстары жүргізіліп жатқан екен. Енді ол Алматының өзіне дейін төрт жолақты автобан болады екен. Әрине, ол дәл бүгін емес, кейінірек. Көп жылдық тәжірибесі бар, кәсіпқой және бізді шоферлік әңгімелерімен қызықтыратын, әзілқой, біздің автобустың жүргізушісі Валера ағай шұңқырлар мен ойықты жолдарды айналып өтіп, жолды асқан шеберлікпен еңсере білді. Біз де қарап отырған жоқпыз. Көңілді әңгімелер айтып, ара-арасында төмпешіктерден секіре отырып, біз Қарағандының ең тәжірибелі жүргізушісімен төрт жүзден артық шақырымға созылған осы бір жолдан қалай тез өтіп кеткенімізді білмей де қалдық.

Міне, біз Балқашқа, дала теңізіне жақынбыз! Біз оны әлі көрген жоқпыз, бірақ оның ыстық, ылғалды, тынысын бірден сездік, ол бізге: “тезірек, маған келіңіздер, мен сіздерді аптап ыстықтан және дала жолдарының шаңынан құтқарамын”, деп үн қатқандай. Бірақ түскі астың да уақыты келіп қалды, дастархан жасалды. Біз демалысымыздың басшысы Гульнара Мусиевнаның шақыруы бойынша дастархан басына отырдық. Жолға бутерброд, тіскебасар алмағанымызға қуандық. Түскі ас керемет болды! Негізі, кешкі ас, таңғы ас, жалпы, “Bolashaq” академиясының “Айналайын”демалыс аймағының бапкер аспазшылары дайындаған барлық тағамдары тіл үйірерліктей болды.

Иә, біз Балқаштың теңіз кеңістігімен тыныс алып келеміз, оның ұлылығын сезінеміз, бірақ ол қайда?! Міне, ыстық құм, жағажай, толқындар шолпылы естіледі, көрініс берген шет-шегі жоқ, көгілдір кеңістіктің аржағында Алматы облысы басталатын екінші жағалау болуы керек. Карталарда көл деп белгіленгенімен, неліктен бұл біз үшін теңіз саналады. Салыстыру үшін Азов теңізін алайық:
Азов теңізі: ұзындығы-380 км. ені-200 км. ауданы-39 000 км2. Көлемі — 265 км2. Жағалау сызығының ұзындығы — 1 472 км. ең үлкен тереңдігі-13,5 м.
Балқаш: ұзындығы-605 км. ені-74 км.ауданы — 16,4 мың км. көлемі 112 км2. Жағалау сызығының ұзындығы — 2385 км. ең үлкен тереңдігі-26 м.

Балқаш жағалауының тереңдігі, ұзындығы Азовқа қарағанда тік болады. Балқаштың басты ерекшелігі-оның батыс бөлігінің суы тұщы, шығыс бөлігінің суы теңіздегідей тұзды. Сондықтан Балқаш – дала теңізі деу шындыққа жақын келеді.

Балқаш өзінің балығының байлығымен де танымал: сазан мен қаракөзден басқа, жайын, ақмарқа, табан, берш балықтары бар, сонымен қатар сырттан әкелінген көксерке де кең таралған, ол жергілікті бірегейлікті — балқаш алабұғасы мен маринканы ығыстырады. Балық торына қылқан шыбықтары түседі. Балқаш сонымен қатар оңтүстік жағалаудағы жабайы қамыс бұталарымен, өткен ғасырдың 40-жылдарына дейін жолбарыстар жүргендігімен, ал қазір жабайы қабандар, еліктер, шибөрілер, түлкілер, қояндар мекендейтіндігімен және солтүстіктен оңтүстікке қарай және кері суда жүзетін құстардың көбісінің осы жолмен ұшып өтетіндігімен танымал.

Балқаш – бұл теңіз емес дейтіндер болса, суға түсіп көрсін! Және де сақ болу қажет – екпінді жел болса күшті толқын сіздің денеңізді кез-келген шетелдік қымбат скрабтан жақсырақ лакпен бүркеп, аямай жағаға лақтырады! Бірақ егер ақыры суға кіріп кететін болса, онда жүзе алмайтындар немесе кішкентай балалар да жағадан ондаған метр қашықтықты шайып жатқан жылы толқын мен құм жағалауларын тамашалай алады. Бірсарынды және қауіпсіз кеңсе мен үй жұмысынан кейін тілек білдірушілер экстремалды – бананға, диванға, мотоциклге-гидроциклге немесе жылдам жүретін ыңғайлы қайыққа жылдамдықпен міну сияқты ойын-сауықтарды таба алады.Бұл ойын-сауықты біздің академияның ең жас өкілдері бірден пайдаланып, осы ғасырдың техникалық ғажайыптарымен теңіз кеңістігіне батыл түрде еніп кетті. Балқаш маңында парашютпен ұшуды армандағандар да болды.Бір ғана нәрсе таң қалдырды-қандай да бір себептермен академияның ер адамдарының арасынан батыл адамдар табылмады. Олар төсек жапқыштарын тент көлеңкесінің астына, ыстық құмға жайып, бір жыл ішіндегі өмірлерін біртіндеп талқылауда болды. Адам өмірінің басты құндылығы – қарым-қатынасты жүзеге асыра отырып, сүйкімді ханымдар да әңгімеге қуана қатысты.

Кешкі астан кейін шомылудан шаршамағандар қайтадан жағаға бет алды, ал басқалары дискотека мен көңілді ойын-сауыққа дайындала бастады. Жергілікті тұрғындардың түнгі суда балық және шаян көп болады деп айтуымен қолдарына шам ұстап балық аулауға тырысқандар да болды.

Келесі күннің таңы түнде жағалаудағы сулармен салқындаған шөлді жағажайымен, таза желімен қарсы алды. Алайда, көп ұзамай күн ыси бастады, жылы су түнгі ойын-сауықтан кейін ұйқылары қанып оянған демалушыларды тағы да өз құшағына шақырды.

Селкілдеген жолдан кейінгі екінші қиындау мәселеміз – қайту болды,әдемі әңгімелермен, теңіз толқындарының ләззатымен, талғамды дастарханмен уақыттың қалай өткенін сезбей де қалдық. Өкінішке орай, ғажайып екі күн Байқоңыр зымыранындай жарқ етіп өте шығып, бізді өзіміздің сүйікті, бірақ, теңізі жоқ Қарағандымызға қайтар жолға аттандырды.

Демалыстың сәтті өткендігі жөнінде “Саяхаттың” барлық қатысушылары бірауыздан келіседі деп ойлаймыз. Мұндай оқиғалардың әрқайсысында осы оқиғалар орын алып, жағымды әсер қалдыруына себепкер қатысушылар бар. Олар кім? Бұл, бізді дәмді де нәрлі тағамдармен тамақтандырған “Айналайын” демалыс аймағының аспазшылары, бұл,демалыс аймағындағы тәртіпті қадағалайтын, жағаның басқа жерінде көзге түспейтін осындай тамаша екі қабатты ағаш бөрене үйлер салып дайындап қойған аймақ директоры Талғат Маратұлы, өзінің кәсіподақтық қамқорлығындағы адамдарды мұқият бақылап, олардың барлық тілектерін іске асырып отырған біздің кәсіподақ көшбасшысы Пакизада Тайжанқызы. Және, әрине, бірінші кезекте қалай демалудың жеке үлгісін көрсеткен – экспедиция жетекшісі және оның қазығы, біздің бірінші проректор Гүлнара Мусиевнаға, Балқаш теңізінің жағалауында осындай тамаша демалыс бұрышын құрған Академия басшылығына шексіз алғысымызды білдіреміз!

ДиНО Кафедрасы