Қарағанды облысының жастар саясаты басқармасының қолдауымен жастар арасында кәсіптік дағдыларды дамыту жобасының аясында жастарды мобилография, веб әзірлеу және де графикалық дизайн бағыттарына оқыту курстары өткізілді. Оқыту курстары 12 сағаттық жалпы оқыту, сонымен қатар 30 сағатқа жоспарланған негізгі оқыту мен әмбебап дағдыларды дамытуға арналған курстардан құралды. Әмбебап дағдыларына оқыту курстарында СММ, клиенттермен коммуникация және т.б. дағдыларға үйрететін ақпараттар берілді. Оқыту курстарына өз салаларындағы тәжірибесі бар, әйгілі «Wooppay», Flip.kz компанияларында жұмыс атқарған мамандар шақырылды. Курсқа қатысушылар оқытудың эффективтілігін, және де жастарға өз бағыттарындағы жаңа құралдарды еркін игеруге көмектескен тренерлер методологиясының маңыздылығын атап өтті.
