15 сәуірдеЛ.Н. Гумилев атындағы Еуразия ұлттық университетінде ЖОО -ның тәрбие ісі жөніндегі проректорларының, Жастар ісі жөніндегі комитеттер төрағаларының, сондай – ақ студенттік ұйымдар белсенділерінің қатысуымен ҚР Білім және ғылым министрі А.К. Аймағамбетовтың қатысуымен республикалық форум өтті. Аталған іс-шараға “Bolashaq” академиясының атынан ӘТЖ жөніндегі проректор Р.Н. Исмаилова және Жастар ісі жөніндегі комитеттің маманы Қожахметов М.А. қатысты.
![](https://bolashaq.edu.kz/wp-content/uploads/2022/04/1-2-750x1000.jpg)
![](https://bolashaq.edu.kz/wp-content/uploads/2022/04/2-2-750x1000.jpg)
Қатысушыларға арналған құттықтау сөзінде министр Асхат Аймағамбетов ЖОО-дағы тәрбие жұмысына назар аударып, оны жаңа деңгейге шығару қажеттігін, жаңа Қазақстанның өркендеуі білім мен ғылымның, сондай-ақ адами капиталдың дамуымен тікелей байланысты екенін атап өтті. Форумға қатысушылар ашық микрофон кезінде ЖОО-ның тәрбие саясаты, студенттік өзін-өзі басқару ұйымдарының жұмысы, студенттік кәсіпкерлікті дамыту, спорт лигаларын құру мәселелері бойынша өзекті тақырыптарды талқылады.
![](https://bolashaq.edu.kz/wp-content/uploads/2022/04/6ad2f7401b0c2f77f2fadd3bcfb327b2_1280x720-1000x666.jpg)
![](https://bolashaq.edu.kz/wp-content/uploads/2022/04/9a2a94b6c03c4ed0f73307b040461935_1280x720-1000x666.jpg)
Форумның қорытынды бөлімінде Асхат Қанатұлы студенттер мен оқытушылардың бірқатар сұрақтарына жауап беріп, отандық жоғары оқу орындарының жоғары бәсекеге қабілеттілігін атап өтті.