8-9 мамыр күндері Торайғыров университетінде «President CUP II» Республикалық пікірсайыс турнирі өтті. Турнирге Астана, Семей, Өскемен, Қостанай, Қарағанды, Атырау, Ақтөбе, Павлодарлық пікірсайысшылар қатысты.
![](https://sun9-84.userapi.com/s/v1/if2/SGVW7MDpVP7IQl9-r2a-ZMaK3lH1Eo1Z7Z-4Mcq0AgJD59CZngY4J2rw98l6RclKxk6nGN4wq_usLXxWGb1qsTNE.jpg?size=1080x1080&quality=95&type=album)
Аталған дебат турниріне «Bolashaq» академиясы атынан «Біз сұрақ қабылдамаймыз» және «В душе аға буын» фракциялары қатысты.
Турнирдің мақсаты – Жастарды отансүйгіштікке баулу және шешендік-көшбасшылық мәдениетті қалыптастыру. Сонымен қатар, қоғам мен әлемдегі көкейкесті мәселелерді талқылау мен сараптау, жастардың әлеуметтік және шығармашылық белсенділігін арттыру.
Ойындар – Британдық парламенттік форматында (БПФ) өтті. Турнир БПФ форматы бойынша 4 іріктеу раундынан, ширек финал, жартылай финал мен басты финалдық ойындарынан тұрды. БПФ форматы бойынша «Жастар» финалы ойнатылып, жеңімпаздар анықталды.
![](https://bolashaq.edu.kz/wp-content/uploads/2022/05/343Y-CICIVxwWcrIaTc6FNZZHVvenBzj2kffUhvPkaHMqKV7124vezUNEgxLwPYL7Q8cPfUkx-TttV_vHMEY01Sq-1000x750.jpg)
![](https://bolashaq.edu.kz/wp-content/uploads/2022/05/a5e5cb22-fa2f-4a36-8c80-b62f54274b96-750x1000.jpg)
«В душе аға буын» фракциясы «Жастар» категориясында үздік 3 команданың бірі атанды.
Турнир өті жақсы деңгейде өтті. Фракциялар «Bolashaq» академиясының ректоры Қ.Н.Меңлібаевқа және академия әкімшілігіне қолдау көрсеткені үшін алғысын білдіруде.