2026 жылғы 10 қыркүйекте тәрбие жұмысы аясында «Bolashaq» академиясының «Шет тілі: екі шет тілі» білім беру бағдарламасының студенттері «Шет тілдері және мәдениетаралық коммуникация» кафедрасының аға эдвайзері М. Қ. Әбдрешева жетекшілігімен Н. В. Гоголь атындағы Қарағанды облыстық әмбебап ғылыми кітапханасына барды.
Іс-шара Қарағанды қаласының жоғары оқу орындарының студенттеріне арналған кітапхана ұйымдастырған «Шексіз мүмкіндіктер: келіңіздер, көріңіздер, шабыттаныңыздар!» атты Ашық есік күндері аясында өтті.
Экскурсия барысында студенттер кітапхананың қызметімен, оның негізгі бөлімдерімен, бай кітап қорымен, сирек кездесетін және құнды басылымдарымен, электрондық ресурстарымен және ақпараттық-кітапханалық қызмет көрсетудің заманауи мүмкіндіктерімен танысты. Кітапхана қызметкерлері оқырмандарға қолжетімді білім беру, мәдени және ғылыми ресурстар, сондай-ақ ұйымдастырылатын іс-шаралар мен жобалар туралы ақпарат берді.
Іс-шара студенттердің кітап оқуға деген қызығушылығын арттыруға, кітапхана мәдениетін насихаттауға, сирек кездесетін және құнды кітаптармен таныстыруға, сондай-ақ жастарды рухани-адамгершілік және мәдени құндылықтарға баулуға бағытталды.
