Еселеп білім жаңғыртпақ…

Академияда жаңалықсыз күн өтпейді. Бүгінгі күн де жақсы жаңалығымен қуантты. Түркия мемлекетінің Сакария қаласындағы «Сакария» университетімен етене байланыста екеніміз белгілі. Екі оқу орны арасында келісімшартымыз бар. Міне, осы жоғары оқу орнының Бизнес институты «Ақпараттық жүйені басқару» білім беру бағдарламасының 1-курсына Сағыныш Оразханұлы Исмағұлов докторант ретінде қабылданды. Білімі мен біліктілігінің арқасында конкурстық негіздегі сынақтан сүрінбей өті. Академияның жарқын болашағы Сағыныш Исмағұлов тақылеттес өскелең ұрпақпен тікелей астасып жатыр. Ол қаншама жылдар бойы тәжірибеде жинақтаған мол білімін иінді қолданып, тынысын толық мәнде аша алады деп үмітімізді үкілеп отырмыз. Таңдаған мамандығының қиян-қилы құпияларын танып, шетсіз-шексіз сыр мен сезімге маңып, аспандай кең білім биігінде самғай алады деп сенгіміз келеді. Сағынышқа ақ жол тілейміз.