11 мамыр күні “Батыр” спорт кешенінде “Bolashaq”академиясының студенттері мен оқытушылары арасында шағын футболдан турнир өтті. Аталған турнир Мәншүк Мәметованың 100 жылдығына орайластырылды.
Мәншүк (Мәнсия) Жиенғалиқызы Мәметова – Калинин майданы 3-екпінді армиясының 100-ші жеке атқыштар бригадасының пулеметшісі, аға сержант, Кеңес Одағының Батыры атағы берілген алғашқы қазақ әйелі.
Турнирге 6 команда қатысты: “QORGAN” , “FC SARYARQA”, “ПАХТАКОР”, “EQUITES”, “ХҚК СОКОЛ” және “ШЕРСТЯНАЯ 9/2″оқытушылар командасы.
Турнир қорытындысы бойынша, құрметті 3 орынды “FC SARYARQA”командасы иеленді.
Екінші орында – “EQUITES”командасы.
Тұғырда – “ШЕРСТЯНАЯ 9/2″оқытушы командасы болды.
Сондай-ақ турнирдің үздік ойыншыларына мүсіншелер мен Құрмет грамоталары табыс етілді. “ҮЗДІК ҚАҚПАШЫ” жүлдесін Оралов Жанас алды (Ю-21-2 студенті). “ҮЗДІК ОЙЫНШЫ” марапатын Есмағамбетов Нұрхан алды (Ю-20-2).
Турнир тіпті шағын турнирлерде де үлкен жеңістердің, рух пен достықтың жеңістерінің болатындығының айқын дәлелі болды.
