2024 жылдың 16 мамырында «Boloashaq» Академиясында интеграцияланған пәндер ішіндегі «Ғылыми зерттеудің негіздері» пәні бойынша ф.ғ.к., профессор Ф.Ф. Саттарованың ұйымдастырушылығымен 1-курс студенттерімен ғылыми-практикалық конференция өткізілді.
Конференцияның негізгі мақсаты: студенттерді ғылым мен білімнің құндылығын, ғылыми зерттеулердің идеалдары мен нормаларын, ғылыми танымның деңгейлері мен әдіс-тәсілдерін және ғылымның методолгиясын терең меңгеруге бейімдеу болды.
Студенттер гуманитарлық пәндермен қатар жаратылыстану ғылымдарының ғылыми зерттеудегі маңызын философиялық компоровистика, пәнаралық синтез, мәдени-тарихи реконструкция, эмпирикалық және теоретикалық ғылыми зерттеу деңгейлерінің әдістерін пайдалану арқылы интеграциялық пән бойынша жасалған ғылыми жобаларын қорғады.
Конференцияда қорғалған ғылыми жобалар:
1.Оразалыева Аяулым ПМНО-23-2 «Ғылыми зерттеудің методологиялық және теоретикалық негіздері мен ерекшеліктері»
2. Дудукина Ксения К-23-1, «Ғылыми зерттеуді архитектоникасын анықтау және библиографияларды жүйелеу»
3.Төлеген Сырым К-23-2 «Күй өнері этно-мәдени құндылық тақырыбы бойынша ғылыми зерттеудің құрылымы мен әлеуметтік сауалнамаларды қорытындылау»
4.Блялова Аяулым К-23-2; «Жарнамадағы тіл мәдениетінің қажеттілігі. Ғылыми зерттеудегі респонденттердің жауабын талдау»
5. Жаксылыкова Дана К-23-2; «Менталитет тұлғаны құрастырушы құндылық тақырыбындағы гипотеза мен теория ара-қатынасын анықтау»
6.Джолдасбаева Эльмира ИН-23-2; «Отбасы әлеуметтік құндылық тақырыбы бойынша ғылыми жоба барысында қолданылған әдебиеттердің ғылыми зерттеудегі маңызы».
7. Кадрин Тілеген Ю-23-2; «Академик С.Зимановтың ғылыми зерттеулерінің идеялық-құндылықтық маңызы.»
Ғылыми-практикалық конференцияға «BOLASHAQ» Академиясының ұжымынан қатысқан:
Оқу-әдістемелік басқармасының басшысы: Таликова Галия Тюляковна
Оқу-әдістемелік кеңестің хатшысы: АЛЕКСЕЕВА ЕВГЕНИЯ АНДРЕЕВНА;
ЖББП кафедрасының аға оқытушысы, п.ғ.м. Айтжанов Д.К. студенттердің ғылыми жобаларды қорғау барысындағы ғылыми дәрежесіне кәсіби тұрғыдан баға берді.
