2021 жылғы 27 мамырда “Руханият” ҒЗО директоры А.У. Аупенова Карлагтың құрылғанына 90 жыл толуына, Қазақстандағы жаппай ашаршылықтың басталғанына 90 жыл толуына және саяси қуғын-сүргін және ашаршылық құрбандарын еске алу күніне арналған “Қазақстандағы қуғын-сүргін және ашаршылық: халық қасіреті және тарих сабақтары” атты ғылыми-практикалық конференцияға спикер ретінде қатысты. Конференция онлайн-форматта “Долинка кентінің саяси қуғын-сүргін құрбандарын еске алу мұражайы” КМҚК-де өткізілді.
![](https://bolashaq.edu.kz/wp-content/uploads/2021/05/1-%D1%81%D0%BB%D0%B0%D0%B9%D0%B4-%D0%BC%D1%83%D0%B7%D0%B5%D0%B9-%D0%9A%D0%B0%D1%80%D0%BB%D0%B0%D0%B3%D0%B0.jpg)
Конференцияның мақсаты – Қазақстан лагерлеріндегі қуғын-сүргінге ұшырағандардың рөлін зерттеуге қазіргі қоғамның қызығушылығын арттыру, саяси қуғын-сүргін және ашаршылық құрбандарын мәңгі есте қалдыру, осы тақырып бойынша ғалымдармен және зерттеушілермен ақпарат алмасу.
![](https://bolashaq.edu.kz/wp-content/uploads/2021/05/%D0%9F%D0%BE%D0%B4%D0%BB%D0%B5%D1%81%D0%BD%D1%8B%D1%85-1000x528.jpg)
Конференция жұмысына Н. Байғанин атындағы Ақтөбе облыстық балалар кітапханасының, Қарағанды облысының Н.В. Гоголь атындағы облыстық әмбебап ғылыми кітапханасының, Қарағанды саяси қуғын-сүргін және тоталитаризм құрбандарының “АЛЖИР” мемориалды-мұражай кешенінің, Теміртау қ. “Тұңғыш Президенттің тарихи-мәдени орталығы” КМҚК-нің қызметкерлері және т.б. қатысты.
![](https://bolashaq.edu.kz/wp-content/uploads/2021/05/SAM_0041-750x1000.jpg)
Конференцияда келесі бағыттар бойынша кең ауқымды мәселелер қаралды:
- Қазақстандағы 1930-1950 жылдардағы саяси қуғын-сүргін тарихы.
- Қазақстандағы ашаршылық және оның салдары.
- Карлаг. Саяси қуғын-сүргін құрбандары және олардың тағдырлары.
- Қазақстандағы саяси қуғын-сүргін құрбандарын ақтау.
“Руханият” ҒЗО директоры А. У. Аупенова
![](https://bolashaq.edu.kz/wp-content/uploads/2021/05/SAM_0049-1000x750.jpg)
![](https://bolashaq.edu.kz/wp-content/uploads/2021/05/SAM_0050-1000x750.jpg)