Мен, Жампеисова Л.С., 6В01201- “Мектепке дейінгі оқыту және тәрбиелеу” білім беру бағдарламасының 4 курс студенті, Қарағанды қаласының “Алтын сақа” бөбекжай-бақшасы” КМҚК базасында 2023 жылдың 30.01. – 07.04. аралығында академиялық күнтізбеге сәйкес жоспарланған өндірістік (педагогикалық) практикадан өтіп жатырмын.
Тәжірибе аясында 2023 жылдың 24 ақпанында Қарағанды қаласының “Тілек” бөбекжай-бақшасы “КМҚК базасында ұйымдастырылған “STEM – технология зияткерлік қабілеттерін дамыту және LEGO planetasy білім беру модулі арқылы мектеп жасына дейінгі балаларды ғылыми-техникалық шығармашылыққа тарту ретінде” мектепке дейінгі ұйымдардың педагог қызметкерлеріне арналған семинар-практикумға қатыстым. Семинарға Қарағанды қаласының мектепке дейінгі ұйымдарының: “Тілек “Бөбекжай-бақшасы” КМҚК, “Айгөлек “Бөбекжай-бақшасы”, “Алтын сақа “Бөбекжай-бақшасының педагогтары қатысты.
Семинар аясында лего-конструкция және робототехника бағытында ақпараттандыру деңгейін арттырып қана қоймай, сонымен қатар робототехниканы тәрбие-білім беру процесіне енгізу бойынша педагогтердің жұмыс тәжірибесімен таныстым. Семинарды ұйымдастырушылар педагогтармен конкурстар өткізді, онда бала рөліне кіре отырып және бәрі бір қарағанда қарапайым болып көрінетін дүниені түсінуге мүмкіндік берілді.
Өз кезегінде”Legoland-қа саяхат”, “lego – мен қиялдау”, “logo ритмикасы”, “lego-мен ертегіге саяхат” сияқты жұмыстар ұсынылды және нәтижесінде “LEGO-викторина”quick-тест түрінде рефлексия жүргізілді.
Мен STEM технологиясы мен робототехниканы қолдану арқылы мектеп жасына дейінгі балалардың сындарлы іс – әрекетін, техникалық шығармашылығын дамыту мәселесін талқылауға қатысуға қызығушылық таныттым, өйткені семинар тақырыбы менің дипломдық жұмысыммен байланысты және алған білімімді диплом жұмысын жазу кезінде қолданатын боламын.
Қатысушылардың әрқайсысы көргендері туралы өз пікірлерін білдіріп, семинарға қатысушылар мен ұйымдастырушыларға өз ұсыныстарын енгізді. Педагогтер семинардың мәлімделген тақырыбының өзектілігін, сөйлеушілердің материалды нақты, қолжетімді, құрылымды, қызықты баяндамасын, ұйымның серпінділігін, ұтқырлығын атап өтті.
Семинар ұйымдастырушылары мен қатысушыларына білім беру процесіне лего-технологиялар мен робототехниканы енгізу тәжірибесімен танысуға мүмкіндік бергені үшін алғысымды білдіремін. Бұл өте қызықты, танымдық, шығармашыл болды!
Жампеисова Лаура
ДОВ-19-1 тобының студенті
