9 мамыр – бұл біздің еліміз үшін орны толмас қайғы-қасірет пен Ұлы Жеңістің қуанышы біріктірілген ерекше және маңызды мереке.
Арада қанша уақыт өтсе де мағынасы өшпейтін оқиғалар бар. Мұндай оқиғаларға Ұлы Отан соғысындағы кеңес халқының жеңісі жатады. Бұл бүкіл 20 ғасырдағы ең қорқынышты және қанды соғыс болды. Шайқас алаңдарында және еңбек тылында мемлекеттің тағдыры ғана емес, әлемдік өркениеттің болашағы да шешілді. Елді қорғауға өмір үшін емес, өлім үшін басын тіккен сарбаздың ерлігі және осы жеңіске тылдағы еңбегімен үлес қосқан жұмысшының ерлігі ешқашан ұмытылмайды.
Жыл сайынғы дәстүр бойынша “Bolashaq” Академиясының белсенділері мен ӘТЖ проректоры Р.Н. Исмаилова ҰОС тыл еңбеккерлері Есина Чулпан Абдрахмановна мен Наурызбаева Рзыкияны құттықтап, Академия ректорының атынан құттықтау хат, әлеуметтік қолдау және сыйлықтар табыс етті.
Біздің міндетіміз – осы өлмес ерлікті еске алу және төзімділікті, батылдықты және өз Отанына деген жанқиярлық сүйіспеншілікті келесі ұрпаққа дәріптеу. Уақыт сөзсіз алға жылжиды, бірақ сонымен бірге ол халықтың жадында үстемдік етпейді. Ұлы Отан соғысы-біздің туыстарымыз бен жақындарымыздың тарихы. Ол әрқайсымыздың тағдырымызда ерекше маңызды орын алады.
Біздің қымбатты ардагерлеріміз! Сіздердің биік рух пен батылдықтарыңыз үшін, Отанымыздың игілігі үшін сеніммен және шындықпен қызмет еткендеріңіз үшін,басымызды иіп, тағзым етеміз және шын жүректен алғысымызды білдіреміз!
Сіздерге зор денсаулық, бейбітшілік, жақсылық пен амандық тілейміз!
