2021 жылдың 24 мамыр күні сағат 14.00- де Ж. Бектұров атындағы Қарағанды облыстық жасөспірімдер кітапханасы ZOOM платформасында Қазақстан Республикасының Президенті Қ.Қ.Тоқаевтың «Тәуелсіздік бәрінен қымбат» мақаласы аясында 31 мамыр – Саяси қуғын-сүргін және ашаршылық құрбандарын еске алу күніне арналған «Зұлмат жылдар қасіреті» атты тарихи – танымдық кеш өткізді.
Іс-шараның мақсаты: Жастардың Отанға, елге деген сүйіспеншілігі мен патриоттық сезімін арттыру, ұлтжандылық пен адамгершілікке тәрбиелеу; еліміздің рухани және мәдени мұраларын қадірлеуге баулу; тоталитарлық және сталиндік репрессия жылдары жазықсыз жала құрбандары болып кеткен тариха тұлғаларды мәңгі есте сақтау мақсатында жастар санасын жаңғырту, ұлт ұлыларына тағзым ете білуге үйрету.
Іс-шараға қатысушылар:
- Гүлнұр Шамерденқызы Тулепбергенова – экскурсия жетекшісі, «Саяси қуғын-сүргін және тоталитаризм құрбандарының «АЛЖИР» мемориалды-мұражай кешеніне «АЛЖИР»- дағы азап шеккен аналар» виртуалды экскурсия өткізеді.
(Ақмола обл., Целиноград ауданы, Ақмол ауылы); - Елдос Нүсіпұлы Тоқтарбай – алаштанушы, балалар жазушысы, әдебиет сыншысы, ҚР Үкіметінің «Дарын» мемлекеттік жастар сыйлығының лауреаты. Баяндама тақырыбы: «Репрессияланған белгісіз Алаш қайраткерлері» (Нұр – Сұлтан қ.);
- Сәуле Сүйіндікқызы Қасымова – тарих ғылымдарының кандидаты, Қарағанды техникалық университетінің Қазақстан тарихы кафедрасының доценті. Баяндама тақырыбы: «Кеңес Одағындағы ұлт саясаты мәселелері ұлт зиялыларының тергеу істерінде» (Қарағанды қ.);
- Зауреш Ғалымжанқызы Сақтағанова – профессор, Е.А.Бөкетов атындағы Қарағанды мемлекеттік университетінің тарих ғылымдарының докторы. Баяндама тақырыбы: «Голод в Центральном Казахстане 1931-1933 годах: причины, последствия» (Қарағанды қ.);
- Жанат Рымқұлқызы Шпанова, Ж.Бектұров атындағы Қарағанды облыстық жасөспірімдер кітапханасының сирек кітаптар мен қолжазбалар және музей жәдігерлері бөлімінің кітапханашысы. Баяндама тақырыбы: «Жайық Бектұров –қуғын –сүргін құрбаны» (Қарағанды қ.)
Модератор: Қасенов Еламан Балтаұлы, тарих ғылымдарының кандидаты, Болашақ академиясының Жалпы білім беру пәндері кафедрасының меңгерушісі (Қарағанды қ.).
Аталған іс-шара Ж. Бектұров атындағы Қарағанды облыстық жасөспірімдер кітапханасының сайтында және FaceBook әлеуметтік желісінде көрініс тапты.
