Қаңтар айының басында “Еуропалық құқық пен Еуропа Кеңесі құқығының өзекті мәселелері” атты студенттік конференцияның қорытындысы шығарылды. Аталмыш іс-шара Мәскеу мемлекеттік халықаралық қатынастар институты және еуропалық оқу институтының ұйымдастыруымен 2021 жылдың 22-24 желтоқсан айы аралығында онлайн-форматта өткен болатын.
![](https://bolashaq.edu.kz/wp-content/uploads/2022/01/eu-law-conf-1.jpg)
Конференция барысында студенттер өзекті баяндамаларын ұсынды. Сонымен қатар, модераторлар дәріс оқыған болатын. Ресей мен шет елдердің, соның ішінде Франция, Беларусь, Армения және Қазақстанның 30-дан астам түрлі жоғары оқу орындарының өкілдері қатысты.
“Bolashaq” академиясының атынан “Құқықтану” кафедрасының студенттері Жанабаев Данияр Кунекбаевич және Жуматаев Ерасыл Ерболович қатысты. Студенттеріміз “Қазақстан және Еуропалық Одақ: құқықтық қатынастарды дамыту перспективалары” тақырыбындағы баяндамаларын оқыды. Ғылыми жетекшісі – заң пәндері кафедрасының меңгерушісі, заң ғылымдарының докторы, профессор Қабжанов Ақылбек Тайболатұлы.
Іс-шара қорытындысы бойынша студенттеріміз I орын алып, дипломдармен марапатталды, іс-шараны ұйымдастырушылар ұсынылған баяндамаға жоғары баға берді және ресейлік және қазақстандық жоғары оқу орындарының студенттері арасындағы Еуропалық құқық саласындағы ғылыми ынтымақтастықты жалғастыруға үміт білдірді.
![](https://bolashaq.edu.kz/wp-content/uploads/2022/01/Данияр-1-1000x784.jpg)
![](https://bolashaq.edu.kz/wp-content/uploads/2022/01/Ерасыл-1-1000x775.jpg)
“Bolashaq” академиясы Данияр мен Ерасылға және олардың ғылыми жетекшісі Ақылбек Тайболатұлына жаңа жеңістер мен шығармашылық табыстар тілейді!