«Сарыарқа дарыны» балаларға қосымша білім беру аймақтық ғылыми-практикалық орталығы, Қарағанды облысы білім басқармасының жылдық жұмыс жоспарына сәйкес 2023 жылы 28 сәуір күні жалпы білім беру ұйымдарының 7-11 сынып оқушылары арасында республикалық «Мағжан оқулары» ғылыми-шығармашылық байқауының облыстық кезеңін «Мағжан Жұмабаев атындағы гимназия» КММ базасында өткізді.
![](https://bolashaq.edu.kz/wp-content/uploads/2023/04/4-1-1000x563.jpeg)
Мағжан оқуларының облыстық байқауының негізгі мақсаты мен міндеттері – облыстың жалпы білім беретін оқу орындарының оқушылары арасында Мағжан шығармаларын насихаттау;
Облыстың жалпы білім беретін оқу орындарының оқушыларының шығармашылық қабілеттерін, эстетикалық талғамдарын, тума талант, табиғи дарындарын анықтау;
Оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсіне білуге, ой-пікірлерін ғылыми тұрғыда дәйекті жеткізе білуге баулу;
Жас талапкер ақындарға әлеументтік-рухани қолдау көрсетіп, шығармашылық жұмыс түрлерін жандандыру. Жас буынның тарихи танымдарын, демократияға және азаматтыққа бағдарланған дүние танымдары мен сана-сезімдерін, өмірге көзқарастарын қалыптастыру.
«Bolashaq» Академиясы тарапынан қазақ тілі мен әдебиеті кафедрасының аға оқытушысы Ахметова Нұрбала Темірханқызы қатысып, байқаудың әділ қазылар алқасы құрамында болып қайтты.
![](https://bolashaq.edu.kz/wp-content/uploads/2023/04/1-2-1000x750.jpeg)
Жеңімпаздар мен жүлдегерлер дипломдармен, мадақтамалармен марапатталды. Жеңімпаз бен жүлдегерлердің жетекшілеріне Алғыс хат табысталды. Барлық қатысушыларға қатысу туралы сертификаттар берілді.