Н.Ф. Катанов атындағы Хакас мемлекеттік университеті өзінің ресми сайтында аталған іс-шараға белсенді қатысқан заң пәндері кафедрасының профессорлық-оқытушылық құрамын атап өте отырып, сыбайлас жемқорлыққа, экстремизм мен терроризмге, есірткі саудасы мен адам саудасына қарсы іс-қимыл мәселелеріне арналған онлайн режимде өткізілген дөңгелек үстел туралы ақпаратты жариялады.
Дереккөз :http://khsu.ru/news/v_xgu_obsudili_voprosyi_protivodejstviya_korrupczii
ХМУ-де сыбайлас жемқорлыққа қарсы іс-қимыл мәселелері талқыланды
Хакас мемлекеттік университетінің тарих және құқық институтында “Сыбайлас жемқорлыққа, терроризмге және экстремизмге, есірткі саудасы мен адам саудасына (траффикингке) қарсы іс-қимыл”атты дөңгелек үстел өтті. Талқылау ” Мемлекеттік-құқықтық жүйелер эволюциясының” халықаралық қатысуымен Х бүкілресейлік ғылыми-практикалық конференция аясында өтті. Көпшілік іс-шараларға шектеу қойылған жағдайдағы дөңгелек үстел жұмысы онлайн режимінде бейнеконференция форматында жүргізілді.
Оған 50-ден астам адам : бакалавриат және магистратура студенттері, ХМУ тарих және құқық институтының оқытушылары қатысты. Сондай-ақ, заң ғылымдарының кандидаты, Қазақстан Республикасы Қарағанды экономикалық университетінің (Қазтұтынуодағы) жалпы құқықтық пәндер кафедрасының профессоры Дәурен Балгимбеков, Хакасия Республикасы ІІМ экономикалық қауіпсіздік және сыбайлас жемқорлыққа қарсы іс-қимыл басқармасының бастығы Владимир Данько, заң ғылымдарының кандидаты, профессор, Қазақстан Республикасы Қарағанды қаласы “Bolashaq” академиясының заң пәндері кафедрасының меңгерушісі Ақылбек Қабжанов өз баяндамаларын ұсынды.
Шетелдік ғалымдар біздің студенттердің кәсіби дайындығының жоғары деңгейін атап өтті. Адам саудасына қарсы тұру, заңсыз жұмыс күші, жақын шет елдердегі сыбайлас жемқорлыққа қарсы санкциялар және басқа да көптеген мәселелер үлкен пікірталас тудырды. Біздің студенттер өздерінің бітіру жұмыстары бойынша баяндама жасады, және оларға басқа елдегі сыбайлас жемқорлық проблемаларының жағдайы туралы білу қызықты болды, – дейді дөңгелек үстелді ұйымдастырушылардың бірі, тарих ғылымдарының кандидаты, доцент, ХМУ мемлекет және құқық теориясы мен тарихы кафедрасының меңгерушісі Эдуард Сагалаков.
Айта кетейік, дөңгелек үстел отырысына дайындалған материалдар жинақта, сондай-ақ онлайн форматта жарияланатын болады.
