2023 жылдың 11 наурызында “Bolashaq” Академиясының фармацевтикалық пәндер кафедрасының оқытушылары мен студенттері Қарағанды облыстық жоғары медбикелік колледжінің студенттерімен кәсіби бағдар жұмыстарын жүргізді. Кәсіптік бағдар беру жұмысы колледжді фармацевтикалық бағытта бітірген түлектер арасында жүргізілді. Оларға біздің академияға түсуге ниет білдірген талапкерлерге ақпараттық буклеттер таратылды. Қабылдау ережелері, оқу ақысы және фармацевтикалық пәндер кафедрасы, Фармация 6В10101 оқу бағдарламасы бойынша оқитын студенттер қай бағытта жұмыс істей алатындығы туралы толық ақпарат берілді. Іс-шараға академия студенттері қатысып, біздің оқу орнымыздың студенттерге арналған мүмкіндіктері мен жеңілдіктері туралы айтып берді. Колледж студенттерін қызықтырған сұрақтарға жауаптар берілді.
