2026 жылдың 17 маусымында Фармацевтикалық пәндер кафедрасының тәрбие және әлеуметтік жұмыс жоспары, сондай-ақ түлектермен байланыс аясында қорытынды аттестациядан сәтті өткен 6B10101 – «Фармация» білім беру бағдарламасының 5 курс күндізгі және 3 курс күндізгі қысқартылған оқу бөлімінің студенттері мен Қарағанды облысы бойынша ҚР Денсаулық сақтау министрлігінің Медициналық және фармацевтикалық бақылау департаментінің өкілдері арасында кездесу өтті. Іс-шараға Фармацевтикалық инспекторат және фармацевтикалық қызмет саласындағы мемлекеттік қызметтер бөлімінің басшысы Р.К. Егембердиева және бас маман М.Р. Алимбатыров қатысты.
Кездесудің негізгі тақырыбы түлектер фармация саласында кәсіби жұмыс үшін міндетті талап болып табылатын «Дәрілік заттар мен медициналық бұйымдар айналымы саласындағы маман сертификатын беру» мемлекеттік қызметін қалай ала алатындығы болды. Департамент өкілдері құжаттарды тапсыру процесін, үміткерлерге қойылатын талаптарды және өтініштерді қарау мерзімдерін егжей-тегжейлі түсіндіріп, түлектердің кәсіби мансабын бастау және болашақта жұмысқа орналасу туралы көптеген сұрақтарына жауап берді.
ҚР қолданыстағы заңнамасының талаптарына ерекше назар аударылды. Атап айтқанда, «Халық денсаулығы және денсаулық сақтау жүйесі туралы» ҚР Кодексінің 27-бабының 4-тармағына сәйкес, тиісті денсаулық сақтау саласы маманының сертификатынсыз фармацевт болып жұмыс істеуге тыйым салынады.
Кездесу түлектерге дәрілік заттар мен медициналық бұйымдар саласындағы кәсіби мансабын бастауға жақсы дайындалуға және өзекті ақпаратты тікелей алуға мүмкіндік берді.
Фармацевтикалық пәндер кафедрасы фармация саласының болашақ мамандардың кәсіби бағдар беруіндегі ынтымақтастығы мен практикалық көмегі үшін ҚР ДСМ МФБК Қарағанды облысы бойынша департаментінің өкілдеріне алғысын білдіреді.
