“Bolashaq” Академиясы бес жыл мерзімге ғылыми және ғылыми-техникалық қызмет субъектісі ретінде аккредиттеу туралы куәлік алғанын мақтанышпен хабарлаймыз. Бұл маңызды жетістік академияда жүргізіліп жатқан ғылыми зерттеулер мен әзірлемелердің жоғары деңгейін растайды.
“Ғылым туралы” Қазақстан Республикасы Заңының 23-бабына сәйкес біздің Академия енді мемлекеттік бюджеттен және Қазақстан Республикасының заңнамасында тыйым салынбаған басқа да дереккөздерден қаржыландырылатын ғылыми және ғылыми-техникалық жобалар мен бағдарламалар конкурстарына қатысуға құқылы.
Аккредиттеу туралы куәлік алу ғылыми қызметті дамыту үшін жаңа мүмкіндіктер ашады.
“Bolashaq” Академиясы Ғылыми зерттеулерді белсенді дамытуды және Қазақстандағы ғылым мен білімнің ілгерілеуіне ықпал ете отырып, озық технологияларды енгізуді жалғастырады. Барлық қатысушыларды осы маңызды жетістіктерімен құттықтаймыз және ғылыми қызметте одан әрі табыс тілейміз!
