“Bolashaq” академиясы барлық студенттерді Халықаралық студенттер күнімен құттықтайды!
Құрметті біздің студенттер! Сіздерге барлық тілектеріңізді жүзеге асыруды тілейміз! Барлық есіктер сіздерге ашық болсын! Сіздерге және сіздердің отбасыларыңызға денсаулық тілейміз! Бізге деген сеніміңіз үшін рахмет! “Bolashaq” – бұл сіздің болашағыңыз.
Халықаралық студенттер күні (International Students’ Day) жыл сайын 17 қарашада атап өтіледі. Ол 1941 жылы Лондонда (Ұлыбритания) өткен фашизмге қарсы күрескен елдердің студенттерінің халықаралық кездесуінде құрылды, бірақ 1946 жылдан бастап атап өтіле бастады. Бұл күн Чех студент-патриоттарын еске алуға арналған.
Әрине, бұл мереке жастықпен, романтикамен және көңілділікпен көрініс береді, бірақ екінші дүниежүзілік соғыс кезінде Чехословакияда басталған оның тарихы қайғылы оқиғалармен байланысты.
1939 жылы 28 қазанда фашистер басып алған Чехословакияда Прага студенттері мен олардың оқытушылары Чехословакия мемлекетінің құрылуының бір жылдығын (1918 ж.28 қазан) атап өту үшін демонстрацияға шықты. Басқыншылардың бөлімшелері демонстрацияны таратып жіберді, ал медицина факультетінің студенті Ян Оплетал (Jan Opletal) оқ тиіп қайтыс болды.
Ян Оплеталдың жерлеу рәсімі 1939 жылы 15 қарашада қайтадан наразылық акциясына айналды. Ондаған демонстранттар қамауға алынды. 17 қарашада гестапошылар мен эсесшілер таңертең студенттік жатақханаларды қоршап алды. 1200-ден астам студент тұтқындалып, Заксенхаузендегі концлагерьге қамалды. Тоғыз студент пен қозғалыс белсенділеріне сот үкімінсіз Рузиненің прагалық ауданындағы түрме қабырғасында өлім жазасын берді. Гитлердің бұйрығымен соғыс аяқталғанға дейін барлық Чех жоғары оқу орындары жабылды.
Осы оқиғалардың құрметіне Халықаралық студенттер күні белгіленді, ал соғыстан кейінгі жылдары оның мерекесі 1946 жылы Прагада өткен дүниежүзілік студенттер конгресінде бекітілді және сол кезден бастап жыл сайын атап өтіледі.
Бұл кезде шат көңілді бұзық бәрі
Осы сәтте жатыр қызық сызықтары.
Бір бақыты өмірдің сыйға берген
Таусылмасын студенттің қызықтары.
Куратор сенің досын болсын,
Сессияда басың болсын.
Группаның алды болып
Жатақхана қосың болсын!
Атсын алдан таң күліп
Өмір болсын мәңгілік.
Студенттік жылдарың
Қалсын есте жаңғырып.
5-тік болсын алғаның,
Орындалсын арманың.
Сессияда қиналмай
Қанатты қағып самғағын.
Бүгін мейрам, досым, қайда барамыз
Студенттік өмір сүріп жанамыз.
Қалтамыз аш болса дағы, көңіл тоқ
Армандардан алтын асқар саламыз.
Тойлайық , достар, мейрамды,
Студент күнін шат қылып.
Жастар жарқын жиналды,
Өткізер өмір тәтті қып.
Қандай, әсем, студенттік көркем жыл,
Жаңа нұрдан нәр алатын өркен жыл.
Ата-анадан жырақ қалып бір өзің
Өмір- теңіз кемелерге желкен тұр.
Оқудан соң лектор бол,
Жақсыны жиған сектор бол!
Жол ашылып қиналмай
Осы оқуға ректор бол!
Лекцияда ұйықтайтын,
Семинарда бұқпай күн.
Өткізетін студент
Сабақтан түк ұқпайтын.
Өмірің болсын көркем жол,
Желегін жайған өркен бол.
Халқыңа болсын берерің,
Кемені бастар желкен бол!
Келіппіз арман қуып сән қалаға,
Жимаққа білім құйып ой- санаға.
Тойлайық мерекені мейрамдатып
Шырқалсын шаттық әні бар далада.
