2025 жылдың 24 сәуірінде Ин -24-1-2 тобының кураторы, педагогика ғылымдарының магистрі, аға оқытушы М.М. Момбекова тәрбие қызметі бағдарламасын іске асыру және студенттердің ұлтаралық қарым-қатынас мәселелерінің құндылық қатынасын қалыптастыру шеңберінде, «Этносаралық қақтығыстардың алдын алу» тақырыбында кураторлық сағат өткізді.
Іс-шара мақсаты-білім алушылардың этносаралық қатынастарға саналы көзқарасын қалыптастыру, көпмәдениетті ортада сындарлы өзара іс-қимыл дағдыларын дамыту, сондай-ақ экстремизмге, ксенофобияға және ұлттық белгісі бойынша кемсітушілікке қарсы іс-қимыл тетіктерін әзірлеу болды.
ИН -24-1,2 тобының кураторы ұғымдық аппаратты қосып, оның ішіндегі терминдер жөнінде түсінік берді.
- этносаралық қақтығыс-әртүрлі этникалық топтардың өкілдері арасында туындайтынәлеуметтік қайшылықтардың бір түрі ретінде;
- этникалық төзімділік-мәдени және мінез-құлық әртүрлілігін қабылдауға дайындық ретінде;
- мәдени құзыреттілік-этносаралық контексте тиімді жұмыс істеу қабілеті ретінде.
Сонымен қатар, қақтығыс теорияларында (Л.Козер, К. Боулдинг, Р. Дарендорфтың) этникалық қарама-қайшылықтардың қалыптасуының, әлеуметтік құрылымдар мен идеологиялық айырмашылықтардың рөлін атап өтті
Білім алушыларға этносаралық түсініспеушілікке байланысты нақты өмірлік жағдайларды модельдейтін арнайы әзірленген кейстер-жағдаяттар ұсынылды. Топтық жұмыс барысында студенттер қатысушылардың мінез-құлқын талдап, жанжалдың себептерін анықтады, сондай-ақ құқықтық және этикалық нормаларға сүйене отырып, оны сындарлы шешу жолдарын ұсынды.
Зорлық-зомбылықсыз қарым-қатынас әдістері мен мәдени сезімталдық принциптеріне ерекше назар аударылды. Эмпатия мен тұлғааралық қарым-қатынас дағдыларын дамыту мақсатында қатысушылар стереотиптерді жеңу элементтерімен этносаралық диалогтарды модельдейтін рөлдік ойынға қатысты.
Мұндай іс-шараларды өткізу мәдениетаралық сауаттылық деңгейін арттыруға ғана емес, сонымен қатар студенттердің құрметке, диалогқа және құқықтық нормаларға негізделген тұрақты мінез-құлық стратегияларын қалыптастыруға ықпал ететіні атап өтілді.
