2020 жылғы 27 қарашада “Өрлеу “БАҰО” АҚ “Ақмола облысы бойынша педагогикалық қызметкерлердің біліктілігін арттыру институты” ҚР Білім және ғылымды дамытудың 2020-2025 жылдарға арналған мемлекеттік бағдарламасын іске асыру шеңберінде “Ауылдық шағын жинақталған мектеп: қазіргі жағдайы және даму болашағы” атты республикалық ғылыми-практикалық желілік конференциясын онлайн режимде өткізді.
Конференцияның мақсаты білім беру мазмұнын жаңарту жағдайында ауылдық шағын жинақты мектептердің қазіргі жағдайы мен дамуы мәселелері бойынша тәжірибе алмасу болды.
Конференцияның пікірталас алаңы аясында шағын жинақты мектептердің ағымдағы жағдайы, осындай мектептерде оқу-тәрбие процесін ұйымдастыру және олардың мұғалімдерінің біліктілігін арттыру бойынша жіті мәселелер көтерілді.
Аталған іс-шарада “Bolashaq” академиясын “Шағын жинақталған мектептің болашақ мұғалімінің әлеуметтік-гуманитарлық дайындығын қалыптастыру”тақырыбында баяндама жасай отырып, Шет тілдер және мәдениетаралық коммуникация кафедрасының аға оқытушысы Баян Турабековна Рахимбаева таныстырды.
Шағын жинақты мектептердің мәселелері Баян Турабекқызының әдістемелік және ғылыми қызығушылығын тудырады және өзі оқытатын “Шет тілі: екі шетел тілі” білім беру бағдарламасының студенттеріне арналған шет тілдерін оқыту әдістемесі бойынша пәндер курстары шеңберінде қамтылады.
Аталған конференцияға қатысу оқытушыға шағын жинақты мектептердің қажеттіліктері мен проблемаларын тереңірек түсінуге және шағын жинақты мектептер жағдайында барлығы үшін сапалы білім алуға қол жеткізу бойынша идеялармен алмасуға мүмкіндік берді.
Аталған іс-шара туралы ақпарат “Өрлеу “БАҰО” АҚ ресми сайтында көрсетілген.
https://akmol-orleu.kz/index.php/ru/novosti/4134-o-perspektivakh-razvitiya-selskikh-shkol
