2022 жылғы 18 ақпанда Қазақстан Республикасы мен Ресей Федерациясының мектептері және жоғары оқу орындарының көп мәдениетті білім беру ортасында оқушының жеке басын оқыту, тәрбиелеу және дамытудың өзекті мәселелеріне арналған Халықаралық ғылыми-әдістемелік семинардың кезекті отырысы өтті.
Кезекті ғылыми-әдістемелік семинарды РХДУ кафедрасы (Ресей Федерациясы) және “Bolashaq” академиясының гуманитарлық педагогика орталығы (Қазақстан Республикасы) ұйымдастырды.
Семинарға Санжар Жафарұлы Асфендияров атындағы Қазақ ұлттық медицина университетінің (Қазақстан Республикасы) орыс тілі кафедрасы қатысқандығын атап өтуге болады.
Орыс тілі кафедрасының меңгерушісі, педагогика ғылымдарының докторы, профессор Куриленко Виктория Борисовна, “Bolashaq” академиясының ғылыми жұмыс және халықаралық ынтымақтастық жөніндегі проректоры, экономика ғылымдарының кандидаты, доцент Гүлжан Әділқызы Қадырова және “Bolashaq” академиясының Гуманитарлық педагогика орталығының директоры, педагогика ғылымдарының кандидаты, доцент Ғалия Қасқарбекқызы Бокижанова, Қазақ ұлттық медицина университетінің орыс тілі кафедрасының меңгерушісі Бақтыбаева Аннель Тлеумағамбетқызы құттықтау сөз сөйледі .
Семинар жұмысына “Bolashaq” академиясының Гуманитарлық педагогика орталығының шақыруымен Қарағанды техникалық университетінің қызметкерлері қатысты.
“XXI ғасырдағы көпмәдениетті білім беру: үрдістер, проблемалар, перспективалар” Халықаралық ғылыми-әдістемелік семинары – ресейлік және қазақстандық зерттеушілердің ғылыми қызметінің нәтижелерін көрсетуге, көпмәдениетті білім беру ортасында орыс тілін оқытудың өзекті мәселелерін шешудің бірыңғай тәсілдерін қалыптастыруға, сондай-ақ орыс тілін оқытудың заманауи әдістемелері, технологиялары мен құралдары трансферін іске асыру, оқушының жеке басын тәрбиелеу және дамыту арқылы орыс тілі оқытушыларының кәсіби құзыреттіліктерін жетілдіруге арналған тиімді және табысты алаң болып табылады.
