15 мамыр күні «Қаржы» мамандығының 4 және 3 курс студенттері арасында П.Н. Бузаубаеваның ұйымдастыруымен «Судағы қауіпсіздік» атты кураторлық сағат ұйымдастырылып, өткізілді.
Кураторлық сағаттың негізгі мақсаты — студенттерге судағы қауіпсіздік ережелерін түсіндіру, су айдындарында дұрыс әрекет етуді үйрету және төтенше жағдайлар кезінде алғашқы көмек көрсету дағдыларын қалыптастыру. Сонымен қатар, су ресурстарын қорғау және тиімді пайдалану қажеттілігі туралы ақпарат беру.
Кураторлық сағаттың міндеттері:
– Су қауіпсіздігі туралы негізгі ұғымдарды түсіндіру.
– Су айдындарында өзін-өзі ұстау ережелерін үйрету.
– Су қауіп-қатерлерін болдырмау тәсілдерін қарастыру.
– Төтенше жағдайларда алғашқы көмек көрсету әдістерін меңгерту.
– Су ресурстарын сақтау және тиімді пайдалану туралы түсінік қалыптастыру.
Судағы қауіпсіздік ережелері студенттерге түсіндіріліп, қаладағы суға түсуге рұқсат берілген орындарға тоқталып, азаматтық жауапкершілік пен айыппұл жайлы ескертулер назарға ұсынылды.
– Төтенше жағдайларда хабарласуға болатын 101 немесе 112 нөміріне хабарласу қажеттілігі мен көмек қажет болған жағдайда дереу хабарлас керектігі студенттерге жеткізілді.
Суға түсу кезінде қауіпсіздікті сақтау өте маңызды. Төменде негізгі ережелер мен ұсыныстар берілген:
Судағы қауіпсіздік ережелері:
– Тек рұқсат етілген жерлерде шомылыңыз – арнайы жабдықталған жағажайларды таңдаңыз.
– Судың температурасын тексеріңіз – +15°C төмен болса, суға түсуге болмайды.
– Жағадан алыс жүзбеңіз – белгіленген аймақтан шықпау керек.
– Балаларды қараусыз қалдырмаңыз – оларды үнемі бақылауда ұстаңыз.
– Мас күйде суға түспеңіз – бұл қауіпті жағдайларға әкелуі мүмкін.
– Төтенше жағдайларда 101 немесе 112 нөміріне хабарласыңыз – көмек қажет болған жағдайда дереу хабарласыңыз.
Қауіпті жағдайлардан сақтану:
– Тереңдігі белгісіз су айдындарына секірмеңіз – түбі белгісіз, ой-шұңқырлары бар жерлерде шомылу қауіпті.
– Кеме жүретін аймақтарда жүзбеңіз – қайықтар мен кемелер көп жүретін жерлерде шомылуға болмайды.
– Суға түсу алдында денені дайындаңыз – күнге қыздырынғаннан кейін немесе ұзақ жүгірістен соң суға бірден секіруге болмайды.
Судағы қауіпсіздік ережелерін сақтау арқылы өзіңізді және жақындарыңызды қорғауға болады.
