3 қарашада Шет тілдері және мәдениетаралық коммуникация кафедрасының аға оқытушысы, магистрі Әбілжан Алтынай Болатқызы “Halloween” тақырыбында кураторлық сағат өткізді.
Кураторлық сағатқа 1, 2 және 3 курс студенттері қатысты.
Іс-шараның мақсаты: ағылшын тілді елдерде бар “Halloween” өткізудің әдет-ғұрыптары мен дәстүрлері туралы оқушылардың білімдерін жалпылау.
Міндеттері:
-студенттердің мәдени және шығармашылық қызметін жандандыру;
-оқушылардың ағылшын тілін үйренуге деген қызығушылығын ояту;
-студенттердің шет тілінде де, ана тілінде де ауызша қарым-қатынас дағдыларын дамытуды жалғастыру;
-адамның төзімділік, ізгі ниет, жанашырлық, парасаттылық, мейірімділік, достық сияқты адамгершілік қасиеттерін тәрбиелеу;
-басқа (бұл жағдайда ағылшын тілінде сөйлейтін) елдердің тарихы мен мәдениетіне, әдет-ғұрыптары мен дәстүрлеріне құрметпен қарауды қалыптастыру.
Іс-шара барлық қатысушылар үшін өте қызықты және танымдық түрде өтті.
