2023 жылғы 7 желтоқсанда “Педагогика” кафедрасы Қарағанды қаласындағы “№23 ЖББМ” КММ мектебінде бастауыш сыныптар қауымдастығының филиалында “Білім алушылардың оқу жетістіктерінің деңгейіне сәйкес сараланған тапсырмаларды пайдалану” тақырыбында дөңгелек үстел өткізді.
Дөңгелек үстелдің мақсаты-аталған іс-шара арқылы кафедраның профессорлық-оқытушылық құрамы, студенттер мен бастауыш сынып мұғалімдері арасындағы байланысты нығайту. Ынтымақтастықтың бұл түрі кадрларды даярлау жүйесін жетілдіріп қана қоймай, оқытушыларға “теория” мен “практика”арасындағы байланыстың жаңа түрін жасауға мүмкіндік береді.
Іс-шараға “№23 ЖББМ ” КММ директоры Балмұханова Дина Көшербайқызы, директордың бейіндік оқыту жөніндегі орынбасары Қасембаева А.О., “Bolashaq” Академиясының оқу-әдістемелік басқарма Кордашева А.А., “Педагогика” кафедрасының аға оқытушысы, п.ғ.м. Жапанова Р. Н. және “6В01301-Педагогика және білім беру бағдарламасы және әдістемесі” ББ-ның 1-4 курс студенттері қатысты.
Бұл ретте аталған іс-шара “Өрлеу” Ұлттық біліктілікті арттыру орталығы АҚ филиалының, Қарағанды облысының педагогикалық кадрлардың біліктілігін арттыру институтының, әлеуметтік-гуманитарлық білім беру мазмұны бөлімінің аға оқытушысы, п.ғ.м. Майбасова Үміт Амандыққызының қатысуымен ұйымдастырылды.
Іс-шарада “№23 ЖББМ”КММ директоры Балмұханова Дина Көшербайқызы кіріспе сөз сөйледі.
Аталған іс-шараны ұйымдастырушы “Педагогика” кафедрасының аға оқытушысы, п.ғ.м. Сарбасова Қалимаш Амангелдіқызы “Сараланған білім беруді ұйымдастыру” тақырыбында баяндама жасап, білім беру бағдарламасын оңтайлы іске асыру барысында оқытуды даралау жолымен барлық білім алушылардың тиімділігін арттыру үшін сараланған білім беру қажеттілігін атап өтті.
“Өрлеу” Ұлттық біліктілікті арттыру орталығы “АҚ Қарағанды облысы бойынша КДИ филиалының “Қоғамдық-гуманитарлық білім беру мазмұны” кафедрасының аға оқытушысы, п.ғ.м. Майбасова Үміт Амандыққызы қатысып, баяндама жасады. Баяндамада “Сараланған оқыту дегеніміз не және ол бізге не үшін қажет?” деген сұрақ бойынша Кэрол Энн Томлинсонның сараланған оқытуды оқушыларға жеке оқу стильдері мен құрылымдық оқу әрекеттерін ұсынуы ретінде сипаттайтындығын атап өтті. Зерттеу нәтижелері бойынша сараланған оқытудың тиімділігі – бұл әдіс әртүрлі оқу қиындықтары бар немесе қабілетті, талантты оқушыларды оқыту үшін пайдалы. Барлық оқушылардың оқу деңгейі немесе қабілеті бірдей емес. Сараланған оқыту-бұл алдын-ала ойластырылған процесс. Әр оқушының өзіндік оқу стилі бар. Осыны ескере отырып, барлық студенттерге бірге жұмыс істеу арқылы табысқа жетуге және оң нәтижелерге қол жеткізуге көмектесуге болады.
Бастауыш сынып мұғалімдері Б.И. Қалдыбаева, Г. К. Лапиева, Ж.М. Азанбаева, Б.Х. Тамабаева, А.Т. Құрманқұлова, Г.С. Зейтова, Бакирова И.Т., Е.Э. Елюбаева осы тақырып аясында қызықты және маңызды ақпаратпен, тәжірибемен бөлісті, сұрақтар мен жауаптармен бөлісті.
Іс-шараға қатысқан “6В01301-бастауыш білім беру педагогикасы мен әдістемесі” білім беру бағдарламасының 1-4 курс студенттері пікірталасқа белсенді қатысып, өз ойларымен бөлісті және талқылауға қатысты. Қатысушылар өз әсерлерімен бөлісіп, ұйымдастырушыларға алғыстарын білдірді.
Дөңгелек үстелді ұйымдастырушы, модератор Қалимаш Амангелдіқызы Сарбасова қонақтар мен қатысушыларға белсенділігі үшін алғыс айтып, іс-шараның сәтті аяқталуымен құттықтап, педагогикалық мансабында табысты және нәтижелі болуға және ынтымақтастықта бірге жұмыс істеуге ниет білдірді.
“Педагогика” кафедрасының аға оқытушысы Сарбасова К.А.
