№86 ЖББМ-да Қарағанды қаласы «Bolashaq» академиясының «Педагогика және психология» білім беру бағдарламасының 1курс студенттерінің оқу (таныстыру) практикасы өтті. Оқу практикасы 23- қаңтар мен 03- ақпан аралығында өтті.
![](https://bolashaq.edu.kz/wp-content/uploads/2023/02/1-11.jpg)
Практика мақсаты – студенттерді болашақ педагог-психолог мамандығына даярлаудағы негізгі кезең болып табылады, оны басты мақсаты: болашақ қызмет саласындағы педагог – психолог жұмысының міндеттері мен мазмұнымен таныстыру, академияда теориялық және практикалық курстарды оқыған кезде қалыптасқан кәсіби құзыреттіліктерді кеңейту және бекіту. Болашақ педагог – психологтің практикалық қызметінің нысаны психологиялық- педагогикалық әлеуметтік құбылыстар, оқушылардың тәртібі мен оқу – тәрбие саласында айқындалатын процестер, құбылыстар.
№86 ЖББМ 2012 жылы ашылған. Орыс тілі және қазақ тіліне мамандандырылған. Мектеп бойынша оқушылар саны – 1340, ұстаздар саны – 105.
![](https://bolashaq.edu.kz/wp-content/uploads/2023/02/WhatsApp-Image-2023-02-17-at-16.41.10-1000x563.jpeg)
Практиканың алғашқы күні студенттер мектеп әкімшілігімен, яғни директоры Асамиданова Гүлдана Ибрайкеновна және оқу бөлімінің меңгерушілері: Айгүл Бейназаровна, Жанар Казиевна және тәрбие ісінің меңгерушілері: Бақыт Қалдаевна,Сәкенова Тазагүл есімді мамандарымен танысты. Мектептің ішінде толық экскурсия өткізілді. Қазақ тілінен мамандандырылған педагог-психолог Толғанай Раушан және орыс тілінен мамандандырылған педагог-психолог Карина Самаловнамен танысты.
![](https://bolashaq.edu.kz/wp-content/uploads/2023/02/WhatsApp-Image-2023-02-17-at-16.41.11-1-1000x750.jpeg)
Жалпы студенттерге, мектептегі педагог-психолог кіммен жұмыс жасайтыны және де қалай жұмыс жасайтыны жайлы толық ақпарат ұсынды. Мектептегі педагог-психолог тек балалармен ғана жұмыс жасамайды сондай-ақ ата-аналармен балалардың қарым-қатынасын, ұстаздар арасындағы қарым-қатынасты, және де ұстаздар мен ата-аналардың арасындағы қарым-қатынасты түзеуге және де бекітуге өзінің үлесін қосады. Қазіргі өзгерістерге байланысты мектептегі педагог-психолог ата-ананың жазбаша рұқсатынсыз ешқандай жұмыс жасай алмайды. Сондай-ақ ата-аналар педагог-психологқа келіп баласымен жеке жұмыс жасауын сұрай алады. Педагог-психолог баламен бір жыл аралығында жұмыс жасау үшін, жылдың басында және ортасында ата-аналардан жазбаша рұқсат қағазын алуға міндетті. Егер ата-ана баламен психологтың жұмыс жасағанын қаламаса, рұқсат бермеуіне болады.
![](https://bolashaq.edu.kz/wp-content/uploads/2023/02/WhatsApp-Image-2023-02-17-at-16.41.11-563x1000.jpeg)
![](https://bolashaq.edu.kz/wp-content/uploads/2023/02/WhatsApp-Image-2023-02-17-at-16.41.11-1-1-1000x750.jpeg)
Педагог-психолог негізгі 4 бағытта жұмыс жасайды, олар: психодиагностикалық бағыт, психологиялық алдын-алу, психологиялық кеңес беру, психологиялық түзету және дамыту, яғни коррекциялық жұмыс. Студенттер қазақ тілінен мамандандырылған педагог-психолог Толғанай Раушанмен практика жоспарын талдады, яғни жоспармен танысып, практика аралығында қандай материалдармен жұмыс жасау керектігі жайлы толық ақпарат алды.
![](https://bolashaq.edu.kz/wp-content/uploads/2023/02/WhatsApp-Image-2023-02-17-at-16.43.20-1-1000x750.jpeg)
Практика жетекшісі Сабира Сартаевна практика барысында іскерлік ұсыныстар мен кеңестерді қолдана отырып, студенттерге уақытылы ақыл-кеңес беріп отырды.
![](https://bolashaq.edu.kz/wp-content/uploads/2023/02/2-12-563x1000.jpg)
Студенттер іс- тәжірибе уақытында жүктелген міндеттерді сапалы және тиянақты орындағандары үшін марапатталды.
Алған тәжірибелеріне қорытындылай келетін болсақ, мектептегі педагог – психологтың жұмысы өте қызықты әрі жауапты. Алайда бөлінетін сағаттары өте аз болғандықтан балалармен жұмыс жасауы қиынға соғады.
Студенттердің есепті қорғау нәтижелері қалыптасқан баллдық-рейтингтік бағалау жүйесімен дифференциалдық сынақпен бағаланды.