14 қыркүйек күні «Bolashaq» академиясының қазақ тілі мен әдебиеті кафедрасының оқытушысы Смагулова М.С. және К-20-1 тобының студенттері Сәкен Сейфуллин атындағы драма театрында өткен Қазақстан мемлекеттік сыйлығының лауреаты, актер-драматург Кеңес Жұмабековтің «Рақымжанның Қасымы» пьесасын тамашалауға барды.
![](https://bolashaq.edu.kz/wp-content/uploads/2022/09/1-1-1.png)
![](https://bolashaq.edu.kz/wp-content/uploads/2022/09/3-8-750x1000.jpg)
Қойылым қазақ поэзиясының көгінде жұлдыз болып жарқырап, әсем ән болып шалқыған Қасым ақынның туған жерін сағынып, көгілдір Кент тауларын аңсап жыр толғаған сәттерінен басталады да, бірте-бірте балалық шағына ойысады. Қойылымның негізгі мақсаты қазақтың дауылпаз ақыны Қасым Аманжоловтың өмірі жайлы ғана емес, қазақ даласында ауыз толтырып айтарлықтай ірі тұлғаларымыздың болғанын келер ұрпаққа жеткізу болып табылады.
![](https://bolashaq.edu.kz/wp-content/uploads/2022/09/2-9.jpg)
Театр қойылымдарына жиі барып тұру жеке тұлғаның рухани-адамгершілік қасиеттерін дамытуда, эстетикалық талғам мен көркемдік және шығармашылық қызметке қызығушылықты қалыптастыруда маңызды рөл атқарады.