Форумның негізгі тақырыбы “Білім және болашақ ғылымы” болды. Іс-шараның модераторы – ҚР Ғылым және жоғары білім министрі Саясат Нұрбек. Форум мен панельдік пікірталастар аясында жоғары білім беруді дамытудың өзекті мәселелері, сондай-ақ осы саладағы сын-қатерлер мен перспективалар талқыланды. Форум тәжірибе алмасу және жетекші сарапшылардың қатысуымен ғылым мен білімнің болашағы туралы халықаралық пікірталас өткізу үшін маңызды алаңға айналды.
Астанада “CONNECTED-2024″халықаралық конференциясы аясында ҚР Ғылым және жоғары білім министрлігінің стратегиялық әріптестер форумы өтті. Іс-шараға жоғары оқу орындарының 300-ден астам өкілдері, ұлттық және шетелдік әріптестер, халықаралық ұйымдардың өкілдері қатысты.
Министр Саясат Нұрбек серіктестік Қазақстанда білім беру жүйесін дамытуға үлкен мүмкіндіктер ашатынын атап өтті. Ол Қазақстан Орталық Азия мен Еуразияның қарқынды дамып келе жатқан халқының орталығында бола отырып, жоғары білім берудің баламалы мүмкіндіктерін іздейтін студенттер үшін білім беру хабына айналуға ұмтылатынын атап өтті.
Сондай-ақ, ведомство басшысы әлемнің жетекші жоғары оқу орындарымен серіктестікте әзірленген цифрлық университеттердің моделі туралы айтты. Соңғы екі жылда ынтымақтастықтың айтарлықтай кеңеюіне қол жеткізілді, бұл білім беру бағдарламаларын заманауи талаптар мен халықаралық стандарттарға бейімдеуге мүмкіндік берді.
Форумға “Bolashaq” Академиясының ректоры Г.М. Рысмағамбетова қатысты.
Форум аясында Министрліктің шетелдік әріптестері, оның ішінде университет өкілдері өз мекемелерін таныстырып, Қазақстанда өз филиалдарының ашылу себептері, сондай-ақ бірлесіп даму мүмкіндіктері туралы айтып берді.
De Montfort University Kazakhstan кампусының басшысы және академиялық директоры Эрик Димла 150 жылдан астам тарихы бар университет Қазақстанмен төрт жылдан бері ынтымақтасып келе жатқанын атап өтті. Ол жергілікті студенттерге бизнес, қаржы және құқық саласында сапалы білім алуға мүмкіндік беретін Британ университетін құрудың маңыздылығын атап өтті.
Форумға қатысушылар келесі мәселелерді талқылады:
- Трансұлттық білім беру қазіргі жаһандық тренд ретінде;
- Жоғары білім беру үшін бәсекеге қабілетті стратегияларды әзірлеу және қабылдау жөніндегі үкіметтік күн тәртібі;
- Қазақстандағы стратегиялық әріптестік моделі: негізгі модельдер / тәсілдер және одан әрі дамыту .
Қатысушылар трансұлттық білім берудің қазіргі заманғы жаһандық тренд ретіндегі маңыздылығын, жоғары білім беру саласында бәсекелестік стратегияларды және Қазақстандағы стратегиялық әріптестік моделін құруды талқылады.
Білім беру мен құқықтық реттеудің өзекті мәселелерін үнемі талқылауды қамтамасыз ету үшін қатысушылар ұсынымдарды әзірлеу және енгізу үшін платформа болатын халықаралық кеңес құруды ұсынды.
Форум бағдарламасы
