2024 жылғы 25 қарашада педагогика кафедрасының өкілдері А.С. Абдрахманова, С.С. Шутенова, Г.С. Махмутова Қарағанды облысы білім басқармасының “Психологиялық қолдау орталығы” КММ ұйымдастырған “Психологиялық-педагогикалық мамандықтар мамандарын даярлау мәселелері мен бірлескен шешу жолдары” диалог алаңына қатысты. Сондай-ақ, қаланың жетекші жоғары оқу орындарының: Қазтұтынуодағы Қарағанды университеті, Академик Е.А. Бөкетов атындағы Қарағанды университеті, Орталық Қазақстан академиясының өкілдері шақырылды.
Психологиялық қолдау орталығының ұйымдастырған “Диалог алаңы” – бұл ашық қарым-қатынас жасау және өзекті мәселелерді талқылау үшін кеңістік құруға бағытталған тамаша бастама. ЖОО оқытушыларын осы форматқа шақыру оқытушылар құрамы мен студенттер арасындағы қарым-қатынасты нығайтуға ғана емес, сонымен қатар оқытушыларға тәжірибе алмасуға, жұмыс әдістері мен оқыту тәсілдерін талқылауға, сондай-ақ білім беру процесіне байланысты психологиялық аспектілерді талқылауға мүмкіндік береді.
Психологиялық-педагогикалық білім беру бағдарламаларының мамандарын даярлауды іске асыратын жоғары оқу орындарының оқытушылары үшін “Диалог алаңының” мақсаттары мен міндеттері мынадай аспектілерді қамтыды:
-психологиялық-педагогикалық кадрларды даярлау саласында жұмыс істейтін оқытушылар өздерінің оқыту әдістерімен, оқытудағы жаңа тәсілдерімен, студенттердің әртүрлі санаттарымен жұмыс істеудің тиімді әдістерімен бөлісе алды, сондай-ақ өз тәжірибелерінде кездесетін қиындықтарды талқылады;
-мамандарды даярлау бағдарламаларына қандай өзгерістер мен жақсартулар енгізуге болатындығын талқылау, олар еңбек нарығының заманауи талаптары мен студенттердің қажеттіліктеріне дәлірек жауап береді.
-ерекше білім беру қажеттіліктері бар студенттер үшін қолайлы жағдайларды қалай қамтамасыз ету керектігін талқылау;
-білім беру процесіне цифрлық технологияларды енгізу, оқытудың интерактивті және тәжірибеге бағытталған әдістерін пайдалану, сондай-ақ оқытуға психологиялық қолдауды интеграциялау сияқты жаңа тәсілдер мен технологияларды қарастырды;
-сонымен қатар оқытушылардың эмоционалды және психологиялық жағдайына, күйзеліке ұшыраудың алдын алуға және қолайлы білім беру ортасын құруға байланысты тақырыптар. Өйткені, бұл, әсіресе шиеленісті білім беру және әлеуметтік жағдайдағы маңызды аспект болып табылады.
-білім беру және психологиялық-педагогикалық көмек саласындағы кешенді міндеттерді шешу үшін әртүрлі мамандар (психологтар, педагогтар, әлеуметтік қызметкерлер) арасындағы өзара іс-қимыл мүмкіндіктерін талқылау;
-болашақ мамандарды даярлауды жақсартуға, сондай-ақ білім беру практикасына жаңа технологиялар мен жұмыс әдістерін енгізуге әкелетін бірлескен зерттеулер үшін идеялармен алмасты;
-білім мен дағдыларды өзектендіру мақсатында оқытушылардың біліктілігін арттыру, тренингтер, семинарлар және кәсіби өсудің басқа да нысандарын ұйымдастыру қажеттілігін бағалауды қоса ала отырып, оқытушылар мен студенттердің кәсіби дамуын талқылау.
Аталған мақсаттар мен міндеттер әртүрлі саладағы оқытушылар мен мамандар арасындағы өзара іс-қимылды жақсартуға, психология және педагогика саласында білім беру мен мамандар даярлау сапасын арттыруға, сондай-ақ студенттерге де, оқытушыларға да олардың кәсіби қызметінде тиімдірек қолдау көрсетуге мүмкіндік береді.
Жалпы, оқытушылар: қоғамдағы әлеуметтік-психологиялық шиеленістің артуы: ата-аналардың, педагогтардың “шағымдары”, білім беру ұйымдарындағы жанжалдар, білім беру жүйесіне және психологтарға сенімсіздік; оқушылардың мінез-құлқының бұзылуының алдын алудың ескірген нысандары; педагогтар мен психологтардың кәсіби психологиялық құзыреттіліктерін дамытудың жеткіліксіз деңгейі ; тиімді емес ведомствоаралық өзара іс-қимыл сияқты жалпы проблемалармен бөлісе және талқылай алады.
