Қазақ тілі мен әдебиеті кафедрасының аға оқытушысы Қ.Қ. Жанузахова К-21-1, КР-21-1 тобы студенттерімен «Лудомания – құмар ойындардың зияны» тақырыбында тәрбие сағатын өткізді. Тәрбие сағаттың мақсаты: Студенттерге құмар ойындары деген не, оған адам қалай тәуелді болады және оның зардабының қандай болатынын түсіндіру. Дүниежүзілік денсаулық сақтау ұйымы ойынға құмарлықтың қауіпті екенін ескере отырып, құмар ойындар мен компьютер ойындарына тәуелді адамдар нашақорлар мен маскүнемдер сияқты эмоционалды жандар екенін мойындады. Бұл індетпен күресуде ең маңыздысы оның елімізде дендеп кетуінің алдын алу жұмыстарын жүргізу екені айтылды. Студенттер тақырып бойынша өз ойларын ашық, нақты айта білді және құмар ойындарға тәуелділіктің алдын алу жолдары жайлы айтылды.
