2026 жылғы 12 қаңтарда Қарағанды қаласындағы «Жұлдыз» балабақшасы базасында «Bolashaq» Академиясы оқытушыларының әр жылдардағы түлектермен кәсіби байланысты нығайту және педагогикалық тәжірибе алмасуға бағытталған жұмыс кездесуі өтті.
Іс-шараға педагогика ғылымдарының кандидаты, доцент Шалтаева Р.Ж., педагогика ғылымдарының кандидаты, доцент Бокижанова Г.К., педагогика ғылымдарының магистрі, аға оқытушы Жанысбаева Р.М., сондай-ақ Академия түлектері — Бапахова Р.Ж., Ақан Г.Ж., Қуанышбаева Ф., Бегайдарова А.А. және педагогикалық қауымдастықтың басқа да өкілдері қатысты.
Кездесу барысында мектепке дейінгі білім берудің теориясы мен практикасына қатысты өзекті мәселелер қарастырылды. Академия оқытушылары түлектерге әдістемелік және теориялық қолдау көрсетіп, ғылыми ұсыныстарымен және заманауи педагогикалық тәсілдермен бөлісті. Өз кезегінде түлектер өздерінің кәсіби әзірлемелерін, практикалық тәжірибесін және білім беру ұйымдарындағы табысты жұмыс үлгілерін ұсынды.
Инновациялық оқыту мен тәрбиелеу әдістерін енгізу мәселелеріне, сондай-ақ қазіргі жағдайдағы мектепке дейінгі білім беруді дамыту проблемалары мен перспективаларына ерекше назар аударылды.
«Bolashaq» Академиясы әр жылдардағы түлектермен ынтымақтастықты жүйелі түрде дамытып, олармен тұрақты кәсіби байланысты қолдап келеді. Мұндай кездесулер тәжірибе алмасуға, педагогтердің кәсіби құзыреттілігін арттыруға және біртұтас білім беру кеңістігін нығайтуға ықпал ететіндіктен өзекті әрі маңызды болып табылады.
