14 қарашада “Bolashaq” Академиясы ЖІК-нің студенттік өзін-өзі басқару ұйымы белсенділерінің тобы “Stud Fest” студенттік фестивалінің жабылуына арналған салтанатты гала-концертке қатысты.
Қарағанды қаласында алғаш рет ұйымдастырылған бұл фестиваль өңірдің студент жастары үшін шығармашылық ұжымдарды, түрлі жоғары оқу орындарының көшбасшылары мен белсенділерін біріктірген маңызды оқиға болды. “Stud Fest” – студенттердің шығармашылық және мәдени әлеуетін дамытуға бағытталған ауқымды іс-шара. Бірнеше күн бойы қатысушылар театр қойылымдарында, вокалда, хореографияда, пікірталастарда және басқа бағыттарда өз таланттарын көрсете отырып, әртүрлі номинациялар бойынша бақ сынасты.
Қарағандының басты концерт залдарының бірінде өткен гала-концертте фестивальге көптеген қонақтар мен қатысушылар жиналды. Салтанатты бөлім әр қатысушының іс-шараның сәттілігіне қосқан үлесін атап өткен ұйымдастырушылардың құттықтау сөздерінен басталды.
Академияның атынан қатысқан студенттік өзін-өзі басқару белсенділері өздерінің белсенді ұстанымдары мен сөйлеген сөздері үшін ерекше ілтипатқа ие болды.Осыдан сәл бұрын студент- актерлер-Шитова Екатерина, Терещенко Владлен сомдаған және режиссерлері – Гартман Зинаида мен Ивашин Дмитрий болған, “Бұнда кім бар?” көрінісі ерекше аталып өтті. Олардың жұмысына көрермендер сүйсіне қошемет танытты, сондай-ақ құзыретті қазылар алқасы берген – үшінші орын – лайықты құрмет болды!
Қорытындылай келе, байқауға қатысушылардың бірінің пікірін білдіргіміз келеді, фестивальге қатысудың өзі ол үшін жаңа идеялар мен жобаларды шабыттандырған ұмытылмас тәжірибе болды. “Бұл фестиваль жай ғана оқиға емес, өзін көрсету, жаңа достар табу және үлкен студенттер қауымдастығының бір бөлігі болу мүмкіндігі”, – деді, қатысушы өз әсерімен бөлісе келе.Біз өз тарапымыздан “Stud Fest” фестивалі студенттердің бастамасы, шығармашылығы мен таланты үшін жарқын алаңға айналғанын қоса кеткіміз келеді.
Студенттерімізді шын жүректен құттықтаймыз және оларға жаңа шығармашылық жеңістер мен табыстар тілейміз!
