ҚР Ғылым және білім министрлігінің тапсырмасы бойынша Еуропалық Одақ қаржыландыратын «Орталық Азиядағы есірткіге қарсы іс-қимыл бағдарламасы, 7-кезең» (CADAP 7) жобасы шеңберінде «Bolashaq» Академиясында бағдарламаның пилоттық жобасы басталды.
Педагогика кафедрасының меңгерушісі, пс.ғ.к Абдрахманова Алуа Сабитовна және «Үміт» ҚБ төрағасы Смайылова Гүлмира Маратқызы студенттермен қауіпті мінез-құлықтың алдын алу және психологиялық денсаулықты сақтау бойынша жұмыс жүргізді. Бұл жұмыс студенттермен психологиялық қызметтің жұмыс жоспарын орындау аясында жүзеге асырылады.
Тренингке ПиП-24-1, ПМНО-24-1с, ДОВ-24-1к топтарының студенттері қатысып, тренингтің негізін қалаған негізгі теориялық бағыттармен танысты, олар: Альберт Бандураның әлеуметтік оқыту теориясы, Ұтымды әрекет теориясы (I. Ajzen, M. Fishbein, 1980), Проблемалық мінез-құлық теориясы (R. Jessor, 1987).
Студенттер танысу бойынша кіріспе жаттығуларын, коммуникацияларды дұрыстау және ұжымда қауіпсіз орта құру, өзін-өзі бағалауды дамыту, өзін-өзі бағалауды арттыру және т. б. жаттығу жұмыстарын орындады.
Нашақорлықтың алдын алу жөніндегі халықаралық бағдарламаның пилоттық жобасын іске асыру бойынша студенттермен бірге орындалатын жұмыс 15 сессиядан тұрады. Сессиялар жанжалды шешу, ашуды, жеккөрушілікті жеңе білу, оң шешімдер қабылдау, тәуелділіктермен жұмыс істеу және т.б. тақырыптарға арналды.
