2025 жылғы 8 сәуірде «Ғылым апталығы – 2025» аясында Қазтұтынуодағы Қарағанды университетінде «Киберқылмыс және құқық: қылмыстық-құқықтық және қылмыстық-процестік реттеудің заманауи сын-қатерлері» тақырыбында дөңгелек үстел өтті. Дөңгелек үстел жұмысына құқықтық және қаржы пәндері кафедрасының аға оқытушысы Әсел Қасенқызы Ахметова қатысты.
Іс-шара барысында құқық, киберқауіпсіздік және құқық қорғау қызметі саласындағы жетекші мамандардың, сондай-ақ ішкі істер органдарының практик қызметкерлерінің ғылыми баяндамалары ұсынылды. Талқылау қорытындысы бойынша алдағы ғылыми зерттеулердің басым бағыттары айқындалды.
«ЖОО-да студенттердің ғылыми-зерттеу жұмыстарын жетілдіру», «Авторлық куәлікті алу тәртібі және құжаттарды Қазпатент жүйесінде тіркеу» тақырыбында баяндамалар тыңдалды.
Сондай-ақ, студенттердің ғылыми қызметін ұйымдастырудың заманауи тәсілдері қарастырылды, жастарды зерттеу жұмыстарына тарту бойынша ұсыныстар берілді, сондай-ақ білім беру ортасында ғылыми жобаларды сүйемелдеудің тиімді тәжірибелері ұсынылды.
Дөңгелек үстел шеңберінде зияткерлік меншік объектілерін тіркеу рәсімдерінің негізгі кезеңдері, соның ішінде қажетті құжаттаманы дайындау, өтінім беру, сараптама жасау және авторлық куәлікті алу қамтылды. Қазпатент электрондық платформасымен жұмыс істеудің практикалық аспектілеріне, ғылыми қызмет нәтижелерін құқықтық қорғауға және зияткерлік меншік туралы Ұлттық заңнамадағы өзекті өзгерістерге ерекше назар аударылды.
