2025 жылғы 13 маусымда «Bolashaq» Қарағанды жоғары колледжінде «Мектепке дейінгі оқыту және тәрбие» бөлімінің түлектерімен кәсіптік бағдар беру кездесуі өтті. Академияны педагогика ғылымдарының кандидаты, доцент Шалтаева Р. Ж., педагогика ғылымдарының магистрі, аға оқытушы Жанысбаева Р. М., сондай-ақ аға оқытушы Арунова Ж.А. таныстырды.
Іс-шара барысында Академия оқытушылары студенттерді мектепке дейінгі білім беру саласындағы дайындық бағыттары бойынша білім беру бағдарламаларымен таныстырды, оқуға түсу шарттары мен оқу процесінің ерекшеліктері, оның ішінде күндізгі және кешкі нысандар бойынша оқыту мүмкіндіктері туралы әңгімеледі.
Студенттердің академиялық ұтқырлығы, алмасу бағдарламаларына, ғылыми қызмет пен тағылымдамаларға қатысу мүмкіндігі мәселелеріне ерекше назар аударылды. Сондай-ақ түлектерге басқа жерден оқуға келген студенттерге жатақханадан орын беру туралы ақпарат берілді.
Болашақ талапкерлер әңгімеге белсенді қатысты, оқуға түсу жеңілдіктеріне, оқу пәндерінің мазмұнына, одан әрі жұмысқа орналасу және мансаптық өсу перспективаларына қызығушылық танытты.
Мұндай кездесулер студенттердің кәсіби өзін-өзі анықтауында маңызды рөл атқарады және білім деңгейлері арасындағы сабақтастықты нығайтады.
