«Bolashaq» Академиясының ректоры Аданов Қуанышбек Бұланұлы «Жалпы білім беретін пәндер» кафедрасының ұжымымен кездесті. Кездесуде білім беру үдерісі, ғылыми әлеует және кафедраның даму перспективалары бойынша өзекті мәселелер талқыланды.
Кездесу барысында кәсіптік бағдар беру және үгіт-насихат жұмыстарына ерекше назар аударылды. Кафедраның профессорлық-оқытушылар құрамы мектеп, колледждермен тығыз байланыс орнатудың, сондай-ақ заманауи цифрлық платформаларды тиімді пайдаланудың маңыздылығын атап өтіп, кәсіптік бағдар беру іс-шараларын жетілдіруге қатысты өздерінің идеялары мен ұсыныстарын ортаға салды.
Сонымен қатар, білім беру үдерісін жаңғырту, пәнаралық ынтымақтастықты нығайту және кафедраның ғылыми әлеуетін арттыру жолдары талқыланды.
Кафедра ұжымы Академия басшылығына ашық диалог жүргізгені және кафедра мен академияның одан әрі дамуына бағытталған бастамаларды қолдағаны үшін алғысын білдірді.
