«Bolashaq» Академиясының 30 жылдығына арналған студенттердің, магистранттардың, докторанттардың және жас ғалымдардың (халықаралық қатысумен) Республикалық ғылыми-практикалық конференциясы аясында 2026 жылдың 27 ақпанында фармацевтикалық пәндер кафедрасында «Қазіргі даму кезеңіндегі химиялық-фармацевтикалық және биологиялық медицина ғылымдарының өзекті мәселелері» атты №7 секциялық отырыс өтті.
Сессияға «Фармация», «Фармацевтикалық өндіріс технологиясы» және «Биология» білім беру бағдарламаларының бакалавриат, магистратура және докторантура деңгейлерінің білім алушылары, сондай-ақ жас ғалымдар мен фармацевтикалық мамандардан жалпы 36 ғылыми жұмыс ұсынылды. Қатысушылардың құрылымы: 1 PhD доктор, 2 докторант, 8 магистрант, 24 бакалавриат студенттері және «ҚР ДСМ Медициналық және фармацевтикалық бақылау комитетінің Қарағанды облысы бойынша департаменті» РММ 1 бас маман. Қатысушылардың географиясы Қазақстан Республикасының (Қарағанды, Астана және Алматы қ.) және Қырғыз Республикасының (Манас қ.) аймақтарын қамтыды.
Жұмыстардың ұйымдар бойынша бөлінуі:
• «Қарағанды медицина университеті» КеАҚ – 11 жұмыс;
• «С.Д. Асфендияров атындағы Қазақ ұлттық медицина университеті» КеАҚ – 9 жұмыс;
• «Bolashaq» Академиясы – 8 жұмыс;
• «Астана медицина университеті» КеАҚ – 4 жұмыс;
• Орталық Азия Халықаралық медицина университеті (Қырғызстан Республикасы, Манас) – 2 жұмыс.
• «Академик Е.А. Бөкетов атындағы Қарағанды ұлттық зерттеу университеті» КеАҚ – 1 жұмыс;
• «Медициналық және фармацевтикалық бақылау комитетінің Қарағанды облысы бойынша Департаменті» РММ – 1 жұмыс;
Кейбір жұмыстардың пәнаралық сипатына қарамастан, келесі негізгі зерттеу бағыттарын анықтауға болады: дәрілер мен парфюмерия-косметикалық өнімдерді әзірлеу – 30,6%, дәрілік өсімдік шикізатының фитохимия мен фармакогнозия мәселелері – 27,8%, медициналық-биологиялық және фармакологиялық зерттеулер – 16,7%, сондай-ақ фармацевтикалық нарық пен басқару мәселелеріне қатысты – 11,1%. Фармацевтикалық технологиялар және сапаны қамтамасыз ету саласындағы зерттеулер 8,3%, ал фармациядағы цифрлық технологияларға арналған жұмыстар 5,5% құрады.
Бұл таралу ұсынылған зерттеулердің жоғары ғылыми деңгейін, оның фармацевтикалық ғылымды, білім беруді және денсаулық сақтау саласын дамыту үшін өзектілігі мен практикалық маңыздылығын көрсетеді.
Секциялық отырыс барысында офлайн және онлайн форматтарда 19 баяндама тыңдалды. Келесі негізгі мәселелер мен сұрақтар қарастырылды: фармацевтикалық тәжірибеде дәрілік өсімдік шикізатын пайдалану перспективалары; дәрілік заттарды стандарттау және сапасын қамтамасыз ету мәселелері; импортты алмастыру мәселелері және отандық фармацевтикалық өндірісті дамыту; фармацевтикалық қызметтегі цифрлық технологиялардың рөлі; жаңа дәрілік заттар мен инновациялық дәрілік түрлерді әзірлеу; фармакотерапияның қауіпсіздігі мен тиімділігі мәселелері.
Қатысушылар фитофармация саласындағы ғылыми зерттеулерді одан әрі дамыту, инновациялық технологияларды енгізу, фармацевтикалық технологияларды жетілдіру, дәрілік заттардың сапасын жақсарту және пәнаралық ғылыми өзара әрекеттесуді нығайту қажеттілігін атап өтті.
Талқылау мен ғылыми пікірталас нәтижелері бойынша жүлделі орындар келесідей бөлінді:
1-орын: Толонбаева М.Р. – Орталық Азия Халықаралық медицина университетінің студенті (Қырғыз Республикасы).
2-орын: Каманова А.А., Аскербай Н.Б. – «Астана медицина университеті» КеАҚ магистранттары; Садовая М.В., Боронов Ш.С. – «Қарағанды медицина университеті» КеАҚ студенттері; Қарабаева Г.А. – «Bolashaq» Академиясының студенті.
3-орын: Джоробаева М.А. – Орталық Азия Халықаралық медицина университетінің студенті (Қырғыз Республикасы); Ертай Б.К. – «Астана медицина университеті» КеАҚ магистранты; Тезекбаева М.А. – «С.Д. Асфендияров атындағы Қазақ ұлттық медицина университеті» КеАҚ студенті; Кривоногова В.Е., Юнусова А.Д., Әлжанова Ш.З., Шакаримова Ж. – «Қарағанды медицина университеті» КеАҚ студенттері; Оразғали А., Базылғаламова С.А. – «Bolashaq» Академиясының студенттері.
Секция жұмысын қорытындылай келе, қатысушылар келесі ұсыныстарды әзірледі:
1. Табиғи шикізат негізінде дәрілік заттарды әзірлеу саласындағы ғылыми зерттеулерді жалғастыру.
2. Стандарттау, сапаны бақылау және дәрілік заттардың қауіпсіздігі бойынша зерттеулерді күшейту.
3. Фармацевтика өнеркәсібін цифрландыруды және ақпараттық технологияларды енгізуді дамыту.
4. Жас ғалымдардың, магистранттардың, докторанттардың және студенттердің ғылыми-зерттеу жұмыстарын қолдау.
5. Дәрілік заттарды импорттық алмастыру және отандық фармацевтикалық өндірісті дамытуға бағытталған зерттеулерді кеңейту.
6. Фармация, химия, биология және медицина қиылысындағы пәнаралық зерттеулерді дамыту.
7. Зерттеу нәтижелерін практикалық денсаулық сақтау және фармацевтика өнеркәсібіне белсенді түрде енгізу.
Бұл секциялық отырыс Қазақстан Республикасындағы және шетелдегі білім беру және ғылыми ұйымдар арасындағы ғылыми ынтымақтастықты нығайтуға, жас зерттеушілердің ғылыми әлеуетін арттыруға, ғылыми тәжірибе алмасуға, сонымен қоса фармацевтикалық және биомедициналық ғылымның перспективалы бағыттарын дамытуға ықпал етті.
