2024 жылғы 23 қазанда “Bolashaq” Академиясының студенттік өзі-өзі басқару органы төрағасы – Смирнов Станислав Юрьевич Қарағанды қаласының Жастар ресурстық орталығында өткен жастар жобаларының тұсаукесеріне қатысты.
Іс-шара шағын баспасөз конференциясымен ашылды, онда құрметті қонақтар — Қарағанды облысы әкімінің орынбасары Алденей Әлібек Үсенұлы және ҚР Мәдениет және ақпарат министрлігі Жастар және отбасы істері комитетінің төрағасы Қайрат Тельманұлы Қамбаров Қазақстандағы мемлекеттік жастар саясатының негізгі бағыттарын талқылады. Оларға жастарды қолдауға, олардың көшбасшылық қасиеттерін дамытуға және қоғамдық өмірге қатысуға қатысты өзекті сұрақтар қойылды. Қонақтар жастарға бағытталған бастамалардың маңыздылығын көрсете отырып, жан-жақты және мазмұнды жауаптар берді.
Өзіндік ерекшелігімен және Қазақстанның фэшн- индустриясы мен дизайнерлік қоғамдастығын дамытуға баса көңіл бөлуімен көзге түскен “Saryarka” жобасы ерекше назар аударды. “Saryarka” жобасы жас дизайнерлерге өздерін танытуға көмектесіп қана қоймай, сонымен қатар халықаралық деңгейде кәсіби өсу алаңы ретінде қызмет етеді. Жобаны киім дизайнері-Меруерт Мұхамедиярова және киім сәулетшісі – Анна Белоус-Сметанина басқарады. Айта кетейік, бұлжобаның Жастар ресурстық орталығының басқа бастамаларынан айырмашылығы, алған дағдыларды іс жүзінде қолдануға, әлемдік сән нарығына сәтті шығуға ықпал етуге бағытталған,
Сонымен қатар, жастар ресурстық орталығында мобилография, подкаст құру, кәсіби дыбыс жазу, дрондарды жобалау, бағдарламалау және басқару секциялары жұмыс істейді. Мұнда әр студент өзінің талантын дамыта алады, болашақ мансабына жол ашады және пікірлес адамдарды таба алады.
Іс-шара барлық қонақтарға эстетикалық ләззат пен жағымды эмоциялар сыйлаған классикалық музыканың камералық концертімен аяқталды.
Жастар ресурстық орталығының жобалары мен байланыстары туралы толығырақ ақпарат алу үшін олардың “jasprokrg, Instagram” парақшасына кіруді ұсынамыз, мұнда орталықтың қызметі туралы барлық өзекті ақпарат ұсынылған.
