2021 жылдың 21 қазанында «Bolashaq» академиясының ректоры Қ.Н. Меңлібаев қазақ тілі мен әдебиеті кафедрасының профессорлық-оқытушылық құрамымен кездесті. Кафедра меңгерушісі Қ.З. Сембиев 2021-2022 оқу жылындағы жүргізіліп жатқан және алда атқарылатын жұмыстар жайында төмендегідей мәселелерге тоқталды:
— оқу-әдістемелік жұмысты жандандыру.
— кафедра қызметкерлерінің ғылыми-зерттеу белсенділігін арттыру.
— оқу бітіруші түлектердің практикалық базаларымен келісім-шартқа отыру.
Кафедра меңгерушісінің қысқаша мәлімдемесінен кейін академия ректоры атқарылатын жұмыстар туралы нақты тапсырма берді :
— кафедра оқытушылары мен студенттерінің академиялық ұтқырлық жұмысын жандандыру;
— практика өту кезінде студенттермен үнемі байланыс жасап отыру мәселесін қадағалау;
— қосдиплом білім беру жұмысын қолға алу;
— монография, оқулық, оқу құралдары мен әдістемелік нұсқауларды білім беру бағдарламасының салалары бойынша кезең- кезеңмен дайындау;
— дәстүрлі «Жас филолог» пәндік олимпиадасын мектеп ұжымымен бірлесе өткізу;
— кәсіптік бағдар беру жұмысын жандандыру.
