2026 жылдың 2 наурызынан бастап «Bolashaq» Академиясының 6B10101 – «Фармация» білім беру бағдарламасының күндізгі және қысқартылған күндізгі оқу бөлімдерінің 1, 2, 3 және 4 курс студенттері еліміздің жетекші фармацевтикалық компанияларының бірі «Қарағанды фармацевтикалық кешені» ЖШС-де кәсіби практикадан өтуді бастады.
Практикалық дайындық студенттердің кәсіби құзыреттіліктерін дамытуға, теориялық білімдерін нығайтуға және нақты фармацевтикалық өндіріс ортасында практикалық дағдыларды игеруге бағытталған.
2026 жылдың 2 наурызынан 30 сәуіріне дейін студенттер оқу бағдарламасына сәйкес әртүрлі кәсіби практикадан өтеді: «Мамандыққа кіріспе» оқу практикасынан, жалпы фармацевтикалық практикадан (өндірістік) және дәрілік заттардың сапасын бақылау және стандарттау бойынша өндірістік практикадан өтеді.
Практика барысында студенттер фармацевтикалық компанияның құрылымын, өндіріс процесінің ерекшеліктерін, өндіру, дайын өнімді қаптау және таңбалау кезеңдерін, дәрілік заттардың сапасын бақылау жүйесін, нормативтік талаптарды және фармацевтикалық өнімдердің сапасы мен қауіпсіздігін қамтамасыз ету қағидаттарын түсінеді.
Қазіргі уақытта компания қатерлі ісік және орфандық (сирек кездесетін) ауруларды, гемофилияны, жүрек-қан тамырлары ауруларын, ревматоидты артритті, қант диабетін және басқа да әлеуметтік маңызы бар ауруларды емдеуге арналған технологияларды тасымалдайды жәнетиімді, әрі қауіпсіз биотехнологиялық дәрілік препараттардың 18 атауын шығарады. Өндіріс халықаралық GMP және ЕАЭО GDP стандарттарына сәйкес келеді. Өндіріс қуаты жылына 4 миллион қаптамаға дейін жетеді. Компанияның негізгі мақсаттарының бірі – отандық фармацевтикалық нарықтың импортқа тәуелділігін азайту және заманауи дәрілік заттарды отандық өндірісін дамыту.
«Қарағанды фармацевтикалық кешені» ЖШС-де практикадан өту болашақ фармацевтердің кәсіби құзыреттіліктерін дамытуға, олардың практикалық дағдыларын арттыруға, кәсіби дайындығын жақсартуға және оларды тәуелсіз кәсіби жұмысқа дайындауға көмектеседі. «Bolashaq» Академиясы «Қарағанды фармацевтикалық кешені» ЖШС басшылығы мен мамандарына жемісті ынтымақтастығы, қолдауы және Қазақстан Республикасының фармацевтикалық саласы үшін білікті мамандарды даярлауға қосқан үлесі үшін алғысын білдіреді.
Студенттерді жіберудің негіздемесі «Қарағанды фармацевтикалық кешені» ЖШС-нің 2026 жылғы 17 ақпандағы №254 шақыру хаты, сондай-ақ «Bolashaq» Академиясы мен осы компания арасында жасалған 2025 жылғы 30 қазандағы №K-1166 кәсіби практиканы өткізу туралы келісім-шарт болып табылады.
