Bolashaq» Академиясының профессор-оқытушылар құрамы үшін ішкі академиялық ұтқырлық бағдарламасын іске асыру аясында «Қарағанды медицина университеті» КеАҚ Фармация мектебінде «Фармация» білім беру бағдарламасының 5-курс студенттеріне арналған сабақтар басталды. 2026 жылдың 3-20 наурыз аралығында бұл сабақтарды медицина ғылымдарының кандидаты, «Bolashaq» Академиясының фармацевтикалық пәндер кафедрасының доценті Серик Абдуалиевич Блялев «Фармацевтикалық қызметтің экологиялық аспектілері» (4 кредит) пәні бойынша офлайн форматта өткізді.
Бұл курс фармацевтика саласындағы экологиялық тәуекелдерді жүйелі түрде түсінуді және оларды азайтудың заманауи тәсілдерін болашақ фармацевтерде дамытуға бағытталған. Курс фармацевтикалық препараттармен қоршаған ортаның ластану мәселелеріне, медициналық және фармацевтикалық қалдықтарды жіктеу, сұрыптау мен жоюға, дәрілік заттарды ұтымды пайдалануға және кәсіби қызметте тұрақты даму қағидаттары мен «жасыл технологияларды» енгізуге бағытталған.
Оқыту фармацевтикалық өнеркәсіптегі негізгі экологиялық мәселелерді, дәрілік заттардың ластану көздері мен салдарын, жою әдістерін, экологиялық заңнаманы, экологиялық тәуекелдерді басқаруды және экологиялық таза фармацевтикадағы заманауи инновацияларды қамтиды.
Академиялық ұтқырлық бағдарламасы студенттерді оқыту сапасын арттырады, академиялық ынтымақтастықты кеңейтеді және білім беру мекемелері арасында кәсіби тәжірибе алмасуға ықпал етеді.
«Bolashaq» Академиясы жоғары білікті фармацевтикалық мамандарды даярлауда заманауи ғылыми және білім беру тәсілдерін біріктіруге жағдай жасай отырып, халықаралық және университетаралық ынтымақтастықты үнемі дамытады.
