“Bolashaq” Академиясының белсенді студенттері Атырау қаласындағы Х.Досмұхамедов атындағы университетте өткен “SENIMMEN BIRGE” республикалық студенттер форумына және Шымкент қаласындағы «Start-up Projects» стартап байқауына қатысып, өздерінің білім мен ізденіске деген ынтасын жоғары деңгейде көрсетті.
Форум аясындағы Quiz зияткерлік ойынында студенттеріміз жүлделі орын иеленсе, стартап байқауында өздерінің инновациялық жобаларын таныстырып, елдің түкпір-түкпірінен жиналған жас ғалымдармен тәжірибе алмасты.
Форум мен байқаудан оралған студенттер Академия ректорымен кездесіп, ризашылық сөздері мен алғысын қабыл алды.
